បើយោងតាមប្រធានសកលវិទ្យាល័យនេះ មុខវិជ្ជាដែលសកលវិទ្យាល័យ Fulbright នឹងបង្រៀន រួមមាន ការសិក្សាលទ្ធិម៉ាក្ស លេនីន និងមនោគមន៍វិជ្ជា ហូ ជីមីញ។
លោកស្រី Dam Bich Thuy ប្រធានក្រុមប្រឹក្សាភិបាលសកលវិទ្យាល័យ Fulbright មានប្រសាសន៍ថា លទ្ធិម៉ាក្ស លេនីន និងមនោគមន៍វិជ្ជា ហូ ជីមីញ គឺជាផ្នែកមួយនៃប្រវត្តិសាស្ត្រ ដូច្នេះ គ្មានហេតុផលអ្វីត្រូវដកមុខវិជ្ជានេះចេញពីប្រវត្តិសាស្ត្រឡើយ។ ប៉ុន្តែ សកលវិទ្យាល័យនឹងប្រើវិធីបង្រៀនខុសប្លែកពីមុន។
នៅសកលវិទ្យាល័យនេះ លោក កាល់ ម៉ាក្ស នឹងត្រូវលើកយកមកសិក្សាជាមួយគ្នានឹងអ្នកទស្សនវិទូអាល្លឺម៉ង់ដទៃទៀត ដើម្បីឲ្យនិស្សិតវៀតណាមយល់ដឹងអំពីការកកើតឡើងនូវលទ្ធិម៉ាក្ស។
តើអ្នកបានអានអត្ថបទនេះ ឬនៅ?
សកលវិទ្យាល័យ Fulbright នឹងទទួលយកនិស្សិតអាហារូបករណ៍ ៦០នាក់ដំបូង សម្រាប់កម្មវិធីសិក្សាថ្នាក់អនុបណ្ឌិតផ្នែកគោលនយោបាយសាធារណៈ នៅខែកញ្ញាខាងមុខនេះ។
ក្នុងរយៈពេលប៉ុន្មានឆ្នាំចុងក្រោយនេះ វៀតណាមហាក់ចាប់អារម្មណ៍ខ្លាំងទៅលើការអប់រំនៅក្នុងប្រទេសអាមេរិក ដោយប្រទេសអាស៊ីអាគ្នេយ៍មួយនេះជាប់ចំណាត់ថ្នាក់លេខ៥ ក្នុងចំណោមប្រទេសដែលបញ្ជូននិស្សិតច្រើនជាងគេបំផុត ទៅរៀននៅសហរដ្ឋអាមេរិក៕
