ក្រសួងកសិកម្ម និងអភិវឌ្ឍន៍ជនបទវៀតណាមបានគូសបញ្ជាក់ថា វៀតណាម ក៏បាននាំចូលផលិតផលកសិកម្មប្រមាណ ២៨ពាន់លានដុល្លារអាមេរិកដែរ ដែលបានធ្វើឲ្យ វៀតណាម មានអតិរេកពាណិជ្ជកម្មប្រមាណ ៨ពាន់លានដុល្លារអាមេរិក។
ក្រសួង ក៏បានព្យាករដែរថា ការនាំចេញផលិតផលកសិកម្មសរុបរបស់វៀតណាម នឹងសម្រេចបានជាង ៤១ពាន់លានដុល្លារអាមេរិក ត្រឹមដំណាច់ឆ្នាំ ២០១៩នេះហើយក្រសួងនឹងបន្តធ្វើការចរចា ដើម្បីបើកទីផ្សារនាំចេញបន្ថែមទៀត ចៀសវាង ការពឹងផ្អែកលើទីផ្សារតែមួយ។
ទោះបីជា ប្រទេសចិន រឹតបន្តឹងលើ លក្ខខណ្ឌនាំចូលផ្លែឈើពី វៀតណាម ក៏ដោយ ចិន នៅតែកាន់កាប់ចំណែកទីផ្សារនាំចេញធំជាងគេបង្អស់ប្រមាណ ២៧ភាគរយ ហើយ អាមេរិក មានជាង២២ភាគរយ និងសភាពអឺរ៉ុប ប្រមាណ ១១ភាគរយ។
អត្ថបទទាក់ទង!
យ៉ាងណាមិញ ក្រសួងកសិកម្ម និងអភិវឌ្ឍន៍ជនបទវៀតណាម បញ្ជាក់ថា ចិន ចាប់ផ្តើមរឹតបន្តឹងច្បាប់បែបនេះ ក៏ដោយសារតែ ការនាំចេញរបស់វៀតណាម ធ្លាប់មាន ប្រវត្តិបញ្ហាកើតឡើងច្រើន ជាពិសេសទាក់ទងនឹង ការក្លែងបន្លំផ្លូវច្បាប់ និងបំពានស្តង់ដារគុណភាព ដែលកំណត់ដោយចិន។
តាមរបាយការណ៍ពី ក្រសួងដដែល បានបង្ហាញថា មុខទំនិញនាំចេញសំខាន់ៗ ដែលមានការកើនឡើងខ្លាំងរួមមាន កៅស៊ូ បន្លែ ផលិតផលឈើ និង តែ យ៉ាងណាមិញ មុខទំនិញនាំចេញ ដែលមានការថយចុះខ្លាំង រួមមាន ផ្លែឈើ គ្រាប់ស្វាយចន្ទី កាហ្វេនិងអង្ករ។
គួរជម្រាបដែរថា ទោះបីជាមានការលំបាកយ៉ាងណា វៀតណាម ក៏បានដាក់គោលដៅសម្រាប់ឆ្នាំ ២០៣០ខាងមុខថា នឹងអភិវឌ្ឍខ្លួនទៅជា កំពូលប្រទេសកែច្នៃកសិកម្ម ក្នុងលំដាប់កំពូលទាំង ១០ ទូទាំងសកលលោក៕
None
