យោងតាមរបាយការណ៍ដែលដាក់ជូននាយករដ្ឋមន្ត្រីវៀតណាម បង្ហាញថាទីផ្សារគោលដៅចំនួន ១៥ ប្រទេសនោះរួមមានប្រទេសចិន ទីក្រុងហុងកុង ជប៉ុន កូរ៉េខាងត្បូង តៃវ៉ាន់ និង ប្រទេសតំបន់អាស៊ានចំនួន ៥ ក្នុងនោះក៏មានកម្ពុជាផងដែរ ព្រមទាំងបណ្ដាលប្រទេសនៅអឺរ៉ុបចំនួន ៥ ផ្សេងទៀត ។
ក្រសួងដឹកជញ្ជូនរបស់វៀតណាម បានចាត់ទុកថា ការបន្តជើងហោះហើរឡើងវិញនឹងរួមចំណែកក្នុងការជួយសម្រាលការលំបាកសម្រាប់ក្រុមហ៊ុនអាកាសចរណ៍ក្នុងស្រុកដែលបានបាត់បង់ប្រាក់ចំណូលស្ទើតែមិនអាចស៊ូទ្រាំរស់បាន។ ហើយការបើកជើងហោះហើរឡើងវិញនេះដែរ ជាការចូលរួមលើកកម្ពស់ការងើបឡើងវិញនៃសកម្មភាពសេដ្ឋកិច្ច និង ទេសចរណ៍នៅក្នុងប្រទេសទាំងមូល។
ជុំវិញការបើកជើងហោះហើរឡើងវិញនេះដែរ នឹងត្រូវធ្វើឡើងជា ៣ដំណាក់កាល។ ដោយដំណាក់កាលទី ១ ចាប់ផ្តើមពីត្រីមាសទី ១ ឆ្នាំ ២០២២ ដោយជើងហោះហើរនឹងមិនត្រូវបានទាមទារឱ្យមានបញ្ជីឈ្មោះអ្នកដំណើរ ដែលអនុម័តដោយទីភ្នាក់ងារទេសចរណ៍នោះឡើយ តែមិនរាប់បញ្ចូលការចូលចេញ និងការត្រួតពិនិត្យសុខភាព។អត្ថបទគួរអាន
ដោយឡែកដំណាក់កាលទី ២ ចាប់ពីត្រីមាសទី ២ ឆ្នាំ ២០២២ អ្នកដំណើរអន្តរជាតិដែលហោះហើរទៅកាន់ប្រទេសវៀតណាមតាមជើងហោះហើរទៀងទាត់ និងមានលិខិតឆ្លងដែនវ៉ាក់សាំងនឹងមិនត្រូវបានតម្រូវឱ្យឆ្លងកាត់ការធ្វើចត្តាឡីស័កនោះទេ។ ខណៈដំណាក់កាលទី៣ ជើងហោះហើរអន្តរជាតិទៀងទាត់នឹងត្រូវដំណើរការ អាស្រ័យលើតម្រូវការ និងការវិវត្តនៃជំងឺរាតត្បាតកូវីដ-១៩ និងអត្រាចាក់វ៉ាក់សាំងនៅក្នុងប្រទេសវៀតណាម និងពិភពលោក។
សូមបញ្ជាក់ថា ក្រសួងដឹកជញ្ជូនវៀតណាមក៏បានស្នើរដ្ឋាភិបាលសម្រេចពេលវេលាជាក់លាក់ ដើម្បីអនុវត្តគម្រោងទាំងបីដំណាក់កាល ដោយផ្អែកលើរបាយការណ៍ និង ការវាយតម្លៃនៃជើងហោះហើរអន្តរជាតិសាកល្បងដឹកពលរដ្ឋវៀតណាម និង ជើងហោះហើរដឹកភ្ញៀវទេសចរអន្តរជាតិទៅកាន់តំបន់មួយចំនួន ដែលបើកទទួលអ្នកដំណើរអរន្តជាតិនៅក្នុងប្រទេសនេះ៕អត្ថបទ ស៊ើង និមល់
None
