តើបណ្តាប្រទេសអាស៊ានដែលរងសម្ពាធពន្ធបដិការពីអាម៉េរិកត្រូវដោះស្រាយដោយរបៀបណា?
អាស៊ានរាប់ចាប់ពីសិង្ហបុរី រហូតដល់កម្ពុជា ដែលរងសម្ពាធពន្ធបដិការពីសហរដ្ឋអាម៉េរិក ចន្លោះពី១០% ទៅ៤៩% អាចនឹងរួបរួមគ្នាជាប្លុកមួយ ដើម្បីចរច…
ក្រុមហ៊ុនផលិតរថយន្តអគ្គិសនី VinFast របស់វៀតណាម ដែលបានចុះបញ្ជីបោះផ្សាយភាគហ៊ុននៅផ្សារហ៊ុន Nasdaq នៅសហរដ្ឋអាម៉េរិក និងអឺរ៉ុប ក្នុងឆ្នាំ២០២៣ បានខាតបង់ប្រាក់ជាង៣ពាន់លានដុល្លារ ពីការលក់រថយន្តអគ្គិសនីរបស់ខ្លួន កាលពីឆ្នាំ២០២៤ មានការកើនឡើង២៨%បើធៀបនឹងឆ្នាំ២០២៣ បើទោះបីជាប្រាក់ចំណូលរបស់ក្រុមហ៊ុននេះ មានកើនឡើងជិត២ពាន់លានដុល្លារក៏ដោយ។
ការខាតបង់ប្រាក់ធ្ងន់ធ្ងររបស់ក្រុមហ៊ុននេះ គឺដោយសារការកើនឡើងការចំណាញលើថ្លៃដើមផលិត ការចំណាយរដ្ឋបាល និងការប្រកួតប្រជែងទីផ្សារ ខណៈក្រុមហ៊ុន VinFast បានពង្រីកប្រតិបត្តិការលក់របស់ខ្លួននៅទូទាំងពិភពលោក។
លោក ផាម ញ៉ាតវួង (Pham Nhat Vuong) នាយកប្រតិបត្តិក្រុមហ៊ុន VinFast បានអះអាងថា ក្រុមហ៊ុនលោកនឹងងាកមកផ្តោតខ្លាំងលើទីផ្សារអាស៊ី ដើម្បីជំរុញការលក់នៅប៉ុន្មានឆ្នាំខាងមុខនេះ ជាជាងផ្តោតលើតែទីផ្សារអាម៉េរិក ដែលធ្វើឱ្យពួកគេខាតបង់ប្រាក់ជាច្រើនដោយសារការចំណាយច្រើនលើការបង់ពន្ធ និងការដឹកជញ្ជូនបណ្ដាលមកពីជម្លោះភូមិសាស្ត្រនយោបាយ ហើយក្រុមហ៊ុននេះ ក៏ផ្អាកដំណើរការរោងចក្ររបស់ខ្លួននៅសហរដ្ឋអាម៉េរិក ផងដែរ។
លោក វួង បាននិយាយថា ក្រុមហ៊ុន VinFast មានបំណងលក់រថយន្តឱ្យបានប្រមាន២០ម៉ឺនគ្រឿងនៅវៀតណាម ក្នុងឆ្នាំនេះ ឬប្រហែល៤០%នៃទីផ្សារក្នុងស្រុក។ នៅឆ្នាំ២០២៦ លោក វួង រំពឹងថា ការលក់របស់ខ្លួននៅលើទីផ្សារអាស៊ីនឹងមានការកើនឡើង បន្ទាប់ពីរោងចក្ររថយន្តរបស់ខ្លួននៅឥណ្ឌូនេស៊ី និងឥណ្ឌា បើកលក់រថយន្តតាមអ៊ីនធឺណិត នៅឆមាសទីពីរឆ្នាំ២០២៥៕
ដោយ៖ សុខ មង្គល
