តើចរន្តភ្ញៀវទេសចរអន្តរជាតិ ចូលមកកម្សាន្តនៅកម្ពុជា នៅដើមឆ្នាំនេះ មានស្ថានភាពយ៉ាងណាដែរ?
ក្រុមអ្នកជំនាញក្នុងវិស័យទេសចរណ៍ បានវាយតម្លៃថា ស្ថានភាពនៃចរន្តភ្ញៀវទេសចរអន្តរជាតិ ចូលមកកម្សាន្តនៅកម្ពុជា នៅដើមឆ្នាំ២០២៥ នេះ ហាក់បង្ហាញសម្ទុ…
កាលពីខែកុម្ភៈ ការនាំចេញផ្លែទុរេនរបស់វៀតណាម ទៅកាន់ទីផ្សារប្រទេសចិន ដែលជាអ្នកប្រើប្រាស់ទុរេនធំជាងគេលើពិភពលោកត្រូវបានកាត់បន្ថយ ដោយសារការធ្វើតេស្តរកសារធាតុអូរ៉ាមីនអូ (Auramine O) របស់អាជ្ញាធរចិន ជាហេតុធ្វើឱ្យតម្លៃទុរេននៅតំបន់ដីសណ្តទន្លេមេគង្គធ្លាក់មកនៅត្រឹមប្រហែល២ដុល្លារក្នុង១គីឡូក្រាម ខណៈទុរេនម៉ាន់ថង ធ្លាក់មកនៅត្រឹមប្រហែល៤ដុល្លារក្នុងមួយគីឡូ។
ស្របពេលកសិករដាំទុរេននៅប្រទេសវៀតណាម កំពុងត្រៀមខ្លួនសម្រាប់ការប្រមូលផលដ៏ធំនៅក្នុងខែមេសា ខាងមុខនេះ ពួកគេកំពុងព្រួយបារម្ភថា តម្លៃទុរេននឹងបន្តធ្លាក់ចុះបន្ថែមទៀតមកនៅត្រឹងជាង១ដុល្លារក្នុងគីឡូក្រាម នៅពេលនោះ ខណៈនៅពេលដូចគ្នាកាលពីឆ្នាំមុន តម្លៃទុរេនមានប្រមាណ៥ដុល្លារក្នុងគីឡូក្រាម។
ប្រទេសចិន កាលពីថ្ងៃទី១០ ខែមករា បានចាប់ផ្តើមតម្រូវឱ្យមានការបញ្ជាក់ថា ទុរេនដែលនាំចូលទាំងអស់មិនមានសារធាតុអូរ៉ាមីនអូ ឬក៏បេស៊ិកយែលឡូ២ (Basic Yello 2) ដែលជាសារធាតុគីមីអាចបង្កជាជំងឺមហារីក។
ប្រទេសចិន កំពុងត្រួតពិនិត្យរាល់ការដឹកជញ្ជូនទុរេនពីប្រទេសវៀតណាម ដោយបានពន្យារពេលការត្រួតពិនិត្យគយ និងបង្កើនហានិភ័យនៃការខូចគុណភាព ហើយការដឹកជញ្ជូនមួយចំនួន ក៏ត្រូវបានបដិសេធផងដែរ។ ជាលទ្ធផល ការនាំចេញទៅកាន់ទីផ្សារចិនចាប់ពីខែមករា ដល់ពាក់កណ្តាលខែកុម្ភៈ បានធ្លាក់ចុះ៨០%នៅឆ្នាំនេះ បើធៀបនឹងរយៈពេលដូចគ្នាកាលពីឆ្នាំមុន។
សូមរំលឹកថា បច្ចុប្បន្នប្រទេសវៀតណាម មានចម្ការទុរេនប្រមាណ១៦ម៉ឺន៩ពាន់ហិកតា ពោលគឺច្រើនជាងពីរដងនៃផ្ទៃដីប្រមាណ៧ម៉ឺនហិកតាដែលគ្រោងទុកដំបូងសម្រាប់ឆ្នាំ២០៣០៕
អត្ថបទ៖ សុខ មង្គល
