លោកឧកញ៉ា លី ហួរ ប្រធានក្រុមប្រឹក្សាភិបាលក្រុមហ៊ុន លី ហួរ គ្រុប និងជាប្រធានសមាគមអ្នកអភិវឌ្ឍន៍លំនៅឋានកម្ពុជា បានថ្លែងក្នុងពិធីប្រកាសបើកកម្មវិធីសន្និបាត និងពិព័រណ៍អចលនទ្រព្យកម្ពុជា ឆ្នាំ២០១៧ នាចុងសប្ដាហ៍នេះ ថា មានហេតុផលសំខាន់ៗមួយចំនួន ដែលធ្វើឲ្យប្រទេសកម្ពុជាមានភាពទាក់ទាញចំពោះវិនិយោគិន។
ហេតុផលទាំងនោះ រួមមានដូចខាងក្រោម៖
- ម៉ាក្រូសេដ្ឋកិច្ចមានស្ថិរភាព
- រដ្ឋាភិបាលគាំទ្រវិស័យជំនួញ
- ការវិនិយោគមានលក្ខណៈប្រកួតប្រជែង
- មានភ្នាក់ងារលើកកម្ពស់ដល់ការវិនិយោគ ដោយផ្ដល់សេវាច្រកចេញចូលតែមួយ
- ការអនុគ្រោះដល់ទីផ្សារក្នុងតំបន់និងអន្តរជាតិ
- ការការពារដល់ការវិនិយោគ
- មានហេដ្ឋារចនាសម័្ពន្ធគ្រប់គ្រាន់ និងទីតាំងយុទ្ធសាស្រ្ដ
- មានការគាំទ្រដោយវិស័យសេដ្ឋកិច្ច
- មានប្រភពធនធាន កម្លាំងពលកម្មគ្រប់គ្រាន់ និងទីតាំងភូមិសាស្រ្ដអំណោយផលល្អ។
អត្ថបទគួរអាន !
លោកឧកញ៉ា លី ហួរ ក៏បានអំពាវនាវនិងលើកទឹកចិត្តដល់អ្នកវិនិយោគទាំងក្នុងស្រុក និងក្រៅស្រុក ឲ្យក្រឡេមើល និងពិចារណាលើការវិនិយោគក្នុងប្រទេសកម្ពុជា។
ប្រទេសកម្ពុជាជាប្រទេសមួយដែលមានទីតាំងយុទ្ធសាស្រ្ដ ក៏ដូចជាចក្ខុវិស័យមួយដ៏ត្រឹមត្រូវក្នុងការវិនិយោគ ជាពិសេស ផ្នែកវិស័យសំណង់ និងហេដ្ឋារចនាសម្ព័ន្ធ ដើម្បីឈានទៅរកភាពចម្រើន និងអត្ថិភាពនៃផលប្រយោជន៍សម្រាប់អ្នកវិនិយោគយូរអង្វែង៕
