Popular

ចិន កំពុងចាត់វិធានការពង្រឹងប្រព័ន្ធហិរញ្ញវត្ថុរបស់ខ្លួន ដោយគ្រោងចាក់បញ្ចូលដើមទុនរហូតដល់ ៥៤ពាន់លានដុល្លារអាម៉េរិក ទៅក្នុងធនាគារ និងក្រុមហ៊ុនធានារ៉ាប់រង ដែលគ្រប់គ្រងដោយរដ្ឋ។ ចំណាត់ការនេះធ្វើឡើង ខណៈតម្រូវការប្រាក់កម្ចីធ្លាក់ចុះ អត្រាការប្រាក់ទាប និងប្រាក់ចំណេញរបស់ស្ថាប័នហិរញ្ញវត្ថុកំពុងរងសម្ពាធ។ ទីក្រុងប៉េកាំង សង្ឃឹមថា ការពង្រឹងដើមទុនរបស់ធនាគារ និងក្រុមហ៊ុនធានារ៉ាប់រងនឹងជួយជំរុញកំណើនសេដ្ឋកិច្ច និងបង្កើនសមត្ថភាពទប់ទល់នឹងហានិភ័យហិរញ្ញវត្ថុ។ នេះបើតាមការចុះផ្សាយរបស់សារព័ត៌មាន Reuters។