បណ្ឌិត អុិន ចាន់នី ប្រធាននាយកប្រតិបត្តិធនាគារអេស៊ីលីដា បានមានប្រសាសន៍ថា ការដំឡើងចំណាត់ថ្នាក់ (SACP) ពីកម្រិត “bb-” ទៅកម្រិត “bb” ដល់ធនាគារអេស៊ីលីដា ដោយសារតែមូលហេតុចម្បងៗដូចជា ធនាគាររក្សាបាននូវទ្រព្យសកម្មចម្រុះ ការគ្រប់គ្រងដោយប្រុងប្រយ័ត្ន គិតគូរនូវរាល់ហានិភ័យពាក់ព័ន្ធជាមូលដ្ឋានសម្រាប់ការលូតលាស់ និងមានមូលធនភាវូបនីយកម្មរឹងមាំ។ កត្តាទាំងនេះ ឆ្លុះបញ្ចាំងអំពីភាពរឹងមាំ នៃបណ្ដាញធុរកិច្ចរបស់ធនាគារ អេស៊ីលីដា ដោយរក្សាបាននូវចំណូលប្រកបដោយចីរភាព ដោយមិនមានផលប៉ះពាល់។
អត្ថបទទាក់ទង!
ទស្សនវិស័យស្ថិរភាព ដែលបង្ហាញនៅក្នុងចំណាត់ថ្នាក់នេះ ឆ្លុះបញ្ចាំងពីភាពរឹងមាំ នៃហិរញ្ញវត្ថុជាមួយនឹងទ្រនាប់ដើមទុនគ្រប់គ្រាន់ ដើម្បីស្ថិរភាពនៃដំណើរការអាជីវកម្ម។
សូមបញ្ជាក់ថា នៅរយៈពេល ៩ខែ ដំបូងនៅឆ្នាំ២០២០នេះ ប្រាក់ចំណេញរបស់ធនាគារអេស៊ីលីដា បានកើនឡើងដល់ប្រមាណជិត៩៩លានដុល្លារអាមេរិក ហើយរំពឹងថា នឹងកើនលើស១២០លានដុល្លារអាមេរិក នៅពេញមួយឆ្នាំ២០២០នេះ។
សូមបញ្ជាក់ថា គិតមកទល់ថ្ងៃទី ៣០ ខែវិច្ឆិកា ឆ្នាំ២០២០ ធនាគារអេស៊ីលីដា ការិយាល័យសរុប ២៦២ កន្លែងនៅទូទាំងប្រទេស ខណៈដែលចំនួនបុគ្គលិកសរុបមានដល់ទៅជាង១ម៉ឺន២ពាន់នាក់។ ជាមួយគ្នានេះ ធនាគារអេស៊ីលីដា ក៏មានម៉ាស៊ីនអេធីអឹមសម្រាប់ដកប្រាក់ នៅទូទាំងប្រទេសសរុប ៧២២ អេធីអឹម, ម៉ាស៊ីនឆូតកាត មានដល់ទៅជិត៤.៣០០ និងបណ្ណដកប្រាក់អេស៊ីលីដាមានដល់ទៅជាង១លានបណ្ណ៕
None
