តាមសារសំឡេងរបស់សម្ដេចតេជោហ៊ុនសែន នាយករដ្ឋមន្ត្រី នៃព្រះរាជាណាចក្រកម្ពុជាបានឲ្យដឹងថាកម្ពុជានឹងមានគម្រោងចាក់វ៉ាក់សាំងជូនកុមារ និងយុវវ័យនេះ គឺនឹងចាប់ផ្ដើមចាក់នៅក្រោយការចាក់វ៉ាក់សាំងជូនប្រជាជនចាប់ពីអាយុ១៨ឆ្នាំឡើងដែលមានប្រជាជនសរុបទាំងអស់ចំនួន១០លានមានការចប់សព្វគ្រប់ហើយ។
តាមក្រសួងសុខាភិបាលមកទល់ពេលនេះ កម្ពុជាបានសម្រេចបានការចាក់វ៉ាក់សាំងជូនមនុសពេញវ័យបានប្រមាណជាង៥លាន៤សែនអ្នករួចមកហើយ។ យ៉ាងណាមិញ ចំពោះវ៉ាក់សាំងដែលត្រូវចាក់ជូនកុមារ និងយុវ័យ កម្ពុជាត្រូវការវ៉ាក់សាំងសរុបប្រមាណជាង៤លានដូសបន្ថែមទៀត ខណៈដែល ការចាក់វ៉ាក់សាំងនេះនឹងចាប់ផ្ដើម នៅក្នុងរាជធានីភ្នំពេញ និងខេត្តកណ្ដាល រួចហើយបន្តទៅតាមបណ្ដាខេត្តផ្សេងៗដូចទៅនឹងវិធានការចាក់វ៉ាក់សាំងជូនមនុស្សពេញវ័យដែរ។ ផែនការចាក់វ៉ាក់សាំងជូនកុមារនិងយុវវ័យនេះ នឹងធ្វើឡើងដោយការស្ម័គ្រចិត្តដោយគ្មានការបង្ខិតបង្ខំនោះឡើយ។
អត្ថបទគួរអាន
គួរបញ្ជាក់ថា សម្រាប់យុទ្ធនាការក្នុងចាក់វ៉ាក់សាំងនេះ គឺក្នុងគោលបំណង គិតគូពីភាពស៊ាំនៅក្នុងសង្គមនិងគិតគូទៅដល់អនាគតកុមារ និងយុវជន ជាពិសេសសុខាមាលភាពពាក់ព័ន្ធ និងជាផ្នែកមួយក្នុងការជំរុញការបើកសាលារៀនឡើងវិញផងដែរ។
សម្ដេចតេជោ ហ៊ុន សែនបានអំពាវនាវទៅដល់ឪពុកម្ដាយនៅទូទាំងប្រទេស ជួយជំរុញនិងលើកទឹកចិត្តឲ្យពួកគេចូលរួមយុទ្ធនាការមួយនេះ ដើម្បីសុខភាពកុមារ និងយុវវ័យពីការឆ្លងរាលដាលនៃជំងឺកូវីដ-១៩។ បើទោះបីជា ទទួលការចាក់វ៉ាក់សាំងហើយក៏ដោយក៏ត្រូវតែអនុវត្តទៅតាមគោលការណ៍របស់ក្រសួងសុខាភិបាល គឺបីកុំ បីការពារ ផងដែរ ដើម្បីការពារខ្លួន ក្រុមគ្រួសារ រួមទាំងសហគមន៏ យើងផងដែរ៕
អត្ថបទ៖ ហួន ស្រីនីត
None
