បើតាមប្រភពព័ត៌មានបានឲ្យដឹងទៀតថា ការត្រួតពិនិត្យ និងរកឃើញមេរោគកូវីដ-១៩នៅលើកញ្ចប់វេចខ្ចប់ទុរេននាំចូលពីប្រទេសថៃនេះគឺបានកើតឡើងនៅក្នុងផ្សារ Haudongcheng កាលពីថ្ងៃទី ១៣ ខែសីហា។
មនុស្សទាំងអស់ដែលបានប៉ះពាល់ជាមួយនឹងកញ្ចប់វេចខ្ចប់ទុរេនដែលមានវិជ្ចមានកូវីដ-១៩នោះ ត្រូវបានដាក់ឲ្យធ្វើចត្តាឡីស័ករួចហើយ ហើយពួកគេក៏ត្រូវបានតេស្ដរួចហើយដែរ ជាមួយលទ្ធផលអវិជ្ជមាន។
ដោយឡែក កញ្ចប់ទុរេនផ្សេងទៀតក៏ត្រូវបានយកទៅរក្សាទុកក្នុងកន្លែងសុវត្ថិភាព ខណៈដែលផ្លែឈើមួយចំនួនទៀត ដែលជាប់ពាក់ព័ន្ធក៏ត្រូវបានបានយកទៅលាងសម្អាតសម្លាប់មេរោគផងដែរ។
អត្ថបទទាក់ទង!
ការិយាល័យកិច្ចការកសិកម្មថៃ បានអះអាងថា ខ្លួនក៏បានពិភាក្សាបញ្ហានេះ ជាមួយនឹងរដ្ឋបាលគយចិនរួចហើយដែរ។ អាជ្ញាធរចិនបានអះអាងថា ការនាំចូលផលិតផលពីប្រទេសថៃនឹងមិនត្រូវបានផ្អាកនោះទេ ដោយសារការរកឃើញករណីវិជ្ជមានកូវីដ-១៩លើទុរេនថៃនេះ គឺនៅតំបន់ត្រួតពិនិត្យក្នុងស្រុករបស់ប្រទេសចិន មិនមែននៅប៉ុស្ដិ៍ត្រួតពិនិត្យមុននាំចូលក្នុងប្រទេសចិននោះទេ។
ទោះយ៉ាងណា ការរកឃើញករណីកូវីដ-១៩នៅលើទុរេនថៃនេះ ជៀសមិនផុតពីការធ្វើឲ្យប៉ះពាល់ដល់តម្រូវការទុរេនថៃក្នុងទីផ្សារចិននោះឡើយ
ដ្បិតថា មានការផ្សព្វផ្សាយព្រោងព្រាតពីបញ្ហានេះនៅលើបណ្ដាញសង្គមរួចទៅហើយ។
សូមបញ្ជាក់ថា ថ្មីៗនេះ ប្រទេសចិនក៏ទើបតែបានហាមឃាត់ការនាំចូលផ្លែមៀនរបស់ប្រទេសថៃផងដែរ ក្រោយពេលរកឃើញថាផ្លែមៀនទាំងនោះ មានសត្វល្អិតចង្រៃ។ ការបិទនាំចូលមៀនរបស់ថៃនេះ ក៏បានធ្វើឲ្យប៉ះពាល់ដល់ផ្លែមៀនប៉ៃលិន ឬតាង៉ែនរបស់កម្ពុជាដែរ ត្បិតថាថៃថ្មីៗនេះ ក៏បានសម្រេចផ្អាកការនាំចូលមៀនប៉ៃលិនពីកម្ពុជាដូចគ្នា៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
