ពោតក្រហម នៅខេត្តបាត់ដំបង មានទីផ្សារល្អប្រសើរឡើងវិញ ក្រោយជួបបញ្ហាខ្វះឈ្មួញប្រមូលទិញមួយរយៈ
ទីផ្សារពោតក្រហម នៅក្នុងខេត្តបាត់ដំបង បានចាប់ផ្ដើមមានទីផ្សារឡើងវិញហើយ បន្ទាប់ពីបានជួបវិបត្តិទីផ្សារត្បិតខ្វះឈ្មួញចុះជួយប្រមូលទិញកាលពីពេលកន្…
យោងតាមផែនការសុខាភិបាលរយៈពេល៥ឆ្នាំពីឆ្នាំ២០២៦-២០៣០ ដែលចេញដោយក្រុមប្រឹក្សារដ្ឋចិនបានបង្ហាញថា រដ្ឋាភិបាលចិន បានកំណត់គោលដៅបង្កើនអាយុកាលជាមធ្យមរបស់ប្រជាជនពី៧៩ឆ្នាំ ក្នុងឆ្នាំ២០២៥ ឱ្យឡើងដល់៨០ឆ្នាំ នៅត្រឹមឆ្នាំ២០៣០។ ដើម្បីសម្រេចគោលដៅនេះ ចិន នឹងពង្រីកសេវាសុខាភិបាលឱ្យមានភាពស្មើគ្នា ពង្រឹងការបង្ការ និងព្យាបាលជំងឺ បង្កើនសមត្ថភាពឆ្លើយតបជំងឺរាតត្បាត និងលើកកម្ពស់ការថែទាំសុខភាពពេញមួយវដ្តជីវិត។
សម្រាប់ស្ត្រី រដ្ឋាភិបាលចិននឹងពង្រីកការពិនិត្យរកមហារីកសុដន់ និងមហារីកមាត់ស្បូន ព្រមទាំងបន្តផ្តល់វ៉ាក់សាំងដោយឥតគិតថ្លៃដល់ក្មេងស្រី ដែលមានសិទ្ធិទទួលបាន។ សម្រាប់មនុស្សចាស់ ចិននឹងអភិវឌ្ឍមន្ទីរពេទ្យឯកទេសផ្នែកវ័យចាស់ ពង្រឹងសេវាថែទាំតាមសហគមន៍ និងលើកកម្ពស់ការថែទាំអ្នកជំងឺវង្វេងវង្វាន់ និងជនពិការ។
លើសពីនេះប្រទេសចិន ក៏គ្រោងប្រើប្រាស់បច្ចេកវិទ្យាបញ្ញាសិប្បនិម្មិត AI ដើម្បីធ្វើទំនើបកម្មប្រព័ន្ធសុខាភិបាល បង្កើតវេទិកា ឬ Platform វេជ្ជសាស្ត្រឌីជីថលជាតិ ដែលអាចចែករំលែកប្រវត្តិព្យាបាល លទ្ធផលពិនិត្យសុខភាព និងទិន្នន័យវេជ្ជសាស្ត្ររវាងមន្ទីរពេទ្យទូទាំងប្រទេស។ ទន្ទឹមនេះ ប្រទេសចិន ក៏នឹងបន្តពង្រីកកិច្ចសហប្រតិបត្តិការសុខាភិបាលជាមួយបណ្តាប្រទេសនានា និងជំរុញឱ្យឱសថបុរាណចិន កាន់តែមានការទទួលស្គាល់នៅលើឆាកអន្តរជាតិផងដែរ៕
ដោយ: តែម សុខុម
