អ្នកនាំពាក្យក្រសួងពាណិជ្ជកម្មចិនលោក Gao Feng បានអះអាងថា អ្នកជំនាញចិនបាននិងកំពុងធ្វើការសិក្សាស្រាវជ្រាវព្រមទាំងស្វែងរកលទ្ធភាព ដើម្បីក្លាយជាសមាជិកនៃកិច្ចព្រមព្រៀង CP TPP ក្នុងពេលឆាប់ៗនេះ។
លោកបានបន្ថែមថា៖«ប្រទេសចិនមានឆន្ទៈក្នុងការពង្រឹងការប្រាស្រ័យទាក់ទង ទាំងការងារបច្ចេកទេស ពាណិជ្ជកម្ម និងបញ្ហាពាក់ព័ន្ធជាមួយសមាជិក CPTPP ទាំងអស់។»
អត្ថបទទាក់ទង
សូមបញ្ជាក់ថា កិច្ចព្រមព្រៀងនេះត្រូវបានគេមើលឃើញថា ជាកិច្ចព្រមព្រៀងមួយដ៏មានឥទ្ធិពលសម្រាប់វឌ្ឍនភាពសេដ្ឋកិច្ច ដោយសារតែវានឹងមានការបើកចំហទីផ្សារ ក៏ដូចជាការអនុគ្រោះពន្ធដល់ជាង ៩០% សម្រាប់ប្រទេសជាសមាជិកទាំង១១ក្នុងការនាំចេញទំនិញ ខណៈដែលសរុបទំហំ GDP នៃប្រទេសជាសមាជិកទាំងអស់មានប្រមាណជាង ៤០% នៃសេដ្ឋកិច្ចសកល ឬស្មើនឹងទំហំទឹកប្រាក់ប្រមាណ ១០ទ្រីលានដុល្លារអាមេរិក និងគ្រប់ដណ្តប់លើប្រជាជនសរុបជិត ៥០០លាននាក់៕
None
