Advertisement
Advertisement
Advertisement
ទីផ្សារប្រេងឆៅ

តម្លៃប្រេងឆៅ នៅលើទីផ្សារសកលងើបឡើងវិញ បន្ទាប់ពីបានធ្លាក់ចុះដោយសារឥទ្ធិពលមេរោគកូរ៉ូណា


តម្លៃប្រេងឆៅ នៅលើទីផ្សារសកលលោក បានងើបឡើងវិញបន្តិចហើយ បន្ទាប់ពីបានធ្លាក់ចុះ ដោយសារតែការព្រួយបារម្ភពី ការចុះទន់ខ្សោយនូវតម្រូវការប្រេង ក្រោយពេលដែល មេរោគកូរ៉ូណា ផ្ទុះឡើងនៅក្នុងប្រទេសចិន ដែលជាប្រទេស ប្រើប្រាស់ប្រេងដ៏ធំមួយលើសកលលោក។ តម្លៃប្រេង មានភាពប្រសើរឡើងវិញ ក៏ដោយសារតែប្រទេសផលិតផលប្រេង កំពុងពិចារណាកាត់បន្ថយផលិតកម្មរបស់ខ្លួន ខណៈអាមេរិកក៏បានបង្ហាញពីសញ្ញាណធ្លាក់ចុះនៃ ស្តុកទុកប្រេងរបស់ខ្លួនផងដែរ។
តម្លៃប្រេងឆៅហក់កើនឡើងដល់ ៧០ ដុល្លារក្នុងមួយបារ៉ែល ខណៈភាពតានតឹងរវាងអាមេរិក និងអ៊ីរ៉ង់កើនឡើង
ដោយ
Advertisement

អង្គការ​ប្រទេស​នាំ​ចេញ​ប្រេង OPEC កំពុង​តែ​ពិចារណា​លើ ការ​កាត់​បន្ថយ​ការ​ផ្គត់ផ្គង់​ប្រេង​ឆៅ ៣​ខែ​បន្ថែម​ទៀត រហូត​ដល់​ដំណាច់ខែ​មិថុនា ឆ្នាំ​២០២០​នេះ ដើម្បី​ស្រោចស្រង់​តម្លៃ​ប្រេង បើសិនជា មេរោគ​កូ​រ៉ូ​ណា​នេះ ប៉ះពាល់​ខ្លាំង​ដល់ តម្រូវការ​ប្រើប្រាស់​ប្រេង​ឆៅ​។

អង្គការ​ប្រទេស​នាំ​ចេញ​ប្រេង OPEC និង​សម្ព័ន្ធមិត្ត ដែល​ដឹកនាំ​ដោយ​ប្រទេស​រុ​ស្ស៊ី បាន​សម្រេច​កាត់​បន្ថយ​ផលិតកម្ម​ប្រេង ៥​សែន​បារ៉ែល​ក្នុង​មួយ​ថ្ងៃ បន្ថែម​លើ​ចំនួន ១​លាន ២​សែន​បារ៉ែល រួច​ម្តង​ទៅ​ហើយ ដែល​ចាប់ផ្តើម​ពី ខែមករា ដល់​ខែមីនា ឆ្នាំ ២០២០​នេះ ដើម្បី​ជួយ​ស្រោចស្រង់​ដល់​តម្លៃ​ទីផ្សារ​ប្រេង ដែល​រង​ប៉ះពាល់​ដោយ ភាព​ទន់ខ្សោយ​នៃ​សេដ្ឋកិច្ច​សកល និង​ការ​ស្តុក​ទុក​ប្រេង នៅ​មាន​លើស​ពី​តម្រូវការ​ទីផ្សារ​។

បើ​តាម​ទិន្នន័យ​របស់ វិទ្យាស្ថាន​ប្រេង​អា​មេ​រិ​ក បាន​បញ្ជាក់​ឲ្យ​ដឹង​ថា ស្តុក​ទុក​ប្រេង​របស់​អា​មេ​រិ​ក បាន​ធ្លាក់​ចុះ ប្រមាណ ៤​លាន ៣​សែន​បារ៉ែល ដែល​ផ្ទុយ​ទៅ​នឹង​ការ​រំពឹង​ទុក​ថា នឹង​មាន​កំណើន​ជិត ៥​សែន​បារ៉ែល ទើប​ធ្វើ​ឲ្យ​តម្លៃ​ប្រេង ប្រសើរ​ឡើង​វិញ​។

តម្លៃ​ប្រេង​ឆៅ​នៅ​លើ​ទីផ្សារ​អន្តរជាតិ បាន​កើនឡើង​បន្តិច​មក​វិញ ដូច​ជា ទីផ្សារ Brent របស់​អង់គ្លេស កើនឡើង​ប្រមាណ ០.៣% ទៅ​ដល់​ជាង ៥៩​ដុល្លារ ក្នុង​មួយ​បារ៉ែល ខណៈ​ទីផ្សារ​អា​មេ​រិ​ក West Texas Intermediate កើនឡើង​ប្រមាណ ០.៦% ទៅ​ដល់​ជាង ៥៣​ដុល្លារ​ក្នុង​មួយ​បារ៉ែល​។ ។

សូម​ជម្រាប​ថា ដោយសារ​តែ​ក្តី​កង្វល់​ពី ការ​រាតត្បាត​នូវ មេរោគ​កូ​រ៉ូ​ណា អាច​ធ្វើ​ឲ្យ តម្រូវការ​ប្រេង​ធ្លាក់​ចុះ ខណៈ​ការ​ផលិត​ប្រេង​ឆៅ​ទូ​ទាំង​សកល នឹង​ផ្គត់ផ្គង់​លើស​ពី​តម្រូវ ធ្វើ​ឲ្យ​តម្លៃ​ប្រេង​ចុះថោក តែ​យ៉ាងណា​ក៏​ដោយ គិត​មក​ទល់​ពេល ក្តី​បារម្ភ​ពី បញ្ហា​មេរោគ​កូ​រ៉ូ​ណា​នេះ ហាក់​ធូរស្បើយ​បន្តិច​ហើយ ហើយ​ការ​ផ្គត់ផ្គង់​ប្រេង ក៏​ថយ​ចុះ ដែល​ធ្វើ​ឲ្យ​តម្លៃ​ប្រេង​ឆៅ​នៅ​លើ ទីផ្សារ​អន្តរជាតិ អាច​កើនឡើង​វិញ​៕

 

Advertisement
© 2020 រក្សាសិទ្ធិ​គ្រប់​បែប​យ៉ាង​ដោយ ខេមបូណូមីស។ សម្រាប់​ការ​ប្រើ​ប្រាស់ ឬ​ផ្សាយ​បន្ត សូមទាក់ទង​មក អ៊ីម៉េល sothea[at]cambonomist.com ឬទូរស័ព្ទលេខ​ 089 777 076។



អត្ថបទបន្ទាប់


អាមេរិក កំពុងពិចារណាលើការផ្អាកជើងហោះហើរជាមួយចិន ដោយសារវីរុសកូរ៉ូណា

ព័ត៌មាន
បើទោះបីជាមានការទទូចស្នើសុំពីមន្ត្រីថ្នាក់ក្រោម ជាច្រើនលើកជាច្រើនសារ ឲ្យកាត់ផ្តាច់ជើងហោះហើរផ្លូវអាកាសជាមួយ ប្រទេសចិនក៏ដោយ រដ្ឋាភិបាលអាម...

សម្ដេច ហ៊ុន សែន៖ កម្ពុជាមិនបិទជើងហោះហើរពីចិនទេ ហើយកម្ពុជាត្រៀមខ្លួនរួចជាស្រេចដើម្បីដោះស្រាយបញ្ហាមេរោគកូរ៉ូណា

ព័ត៌មាន
ប្រមុខដឹកនាំរាជរដ្ឋាភិបាលកម្ពុជា បានប្រកាស នៅថ្ងៃនេះថា កម្ពុជាមិនបិទជើងហោះហើរពី ប្រទេសចិន ដោយសារជម្ងឺរលាកផ្លូវដង្ហើមកូរ៉ូណានោះទេ ព្រោ...
ច្រើនទៀត

អត្ថបទស្រដៀង


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ