តើនឹងមានអ្វីកើតឡើងបន្ទាប់ទៀត ក្រោយការសោយទិវង្គត់របស់ព្រះមហាក្សត្រិយនៃចក្រភពអង់គ្លេស ហើយសថាតើស្តេចអង្គណា នឹងឡើងមកសោយរាជ្យបន្ទាប់?
សារព័ត៌មានអន្តរជាតិទាំងតូចទាំងធំទូទាំងពិភពលោក នៅព្រឹកថ្ងៃសុក្រទី ០៩ ខែកញ្ញាបានចុះផ្សាយព្រោងព្រាតអំពីដំណឹងនៃការសោយទិវង្គត់របស់ ម្ចាស់ក្សត្រី Elizabeth II នៃចក្រភពអង់គ្លេសស។
បើតាមការចុះផ្សាយពីសារព័ត៌មាន BBC របស់អង់គ្លេស ព្រះអង្គម្ចាស់ ឆាលទី៣ (Charles III) នឹងត្រូវឡើងគ្រងរាជ្យជាមហាក្សត្រថ្មីនៃចក្រភពអង់គ្លេស។ ស្តេចឆាល នឹងថ្លែងទៅកាន់ប្រជាជាតិរបស់ទ្រង់នៅថ្ងៃសុក្រនេះម៉ោងនៅចក្រភពអង់គ្លេស ដែលវាជាសុន្ទរកថាដំបូងបង្អស់របស់ទ្រង់ក្នុងនាមជាមហាក្សត្រថ្មី និងបន្ទាប់ពីការសោយទិវង្គត់របស់មាតាទ្រង់គឺ មហាក្សត្រិយ Elizabeth II។
អត្ថបទគួរអាន
តើការរៀបចំព្រះរាជពិធីបុណ្យព្រះសពនឹងប្រព្រឹត្តទៅដូចម្តេចខ្លះ?
ដំបូងបំផុត ព្រះសពរបស់មហាក្សត្រិយត្រូវបានគេរំពឹងថា នឹងតម្កល់ក្នុងព្រះរាជដំណាក់តូច ក្នុងទីក្រុងអ៊ីឌេនប៊ឺក(Edinburgh)។ ក្រោយមក មឈូសនឹងត្រូវដង្ហែទៅកាន់វិហារ Giles ដើម្បីតម្កល់សម្រាប់ទទួលភ្ញៀវអ្នកមុខអ្នកការ ដែលមកគោរពព្រះសព មុនត្រូវនឹងដង្ហែតាមខ្សែរថភ្លើងទៅ តំបន់ឆ្នេរភាគខាងកើតប្រទេស។ ពលរដ្ឋត្រូវបានគេរំពឹងដែរថា នឹងមករង់ចាំដាក់បាច់ផ្កានៅតាមខ្សែរថរថភ្លើងដែលឆ្លងកាត់តំបន់នានា។ ចុងក្រោយបំផុត ព្រះសពនឹងត្រឡប់យកមកតម្កល់នៅរាជវាំងប៊ឺកឃីងហេម(Buckingham)។ សរុបមកព្រះរាជពិធីបុណ្យសពផ្លូវរដ្ឋត្រូវបានគេរំពឹងថា នឹងប្រព្រឹត្តទៅរយៈពេល១០ថ្ងៃបន្ទាប់ពីការចូលទិវង្គត់។
សូមជម្រាបថា ព្រះមហាក្សត្រិយ អេលីហ្សាប៊ែត (Elizabeth II) ទី២ របស់ចក្រភពអង់គ្លេស បានសោយទិវង្គតក្នុងព្រះជន្មាយុ ៩៦ ព្រះវស្សា (១៩២៦-២០២២) កាលពីរាត្រីថ្ងៃទី៨ ខែកញ្ញា ឆ្នាំ២០២២ នៅឯព្រះរាជដំណាក់ Balmoral ស្ថិតនៅក្នុងប្រទេសស្កុតលែន។ ម្ចាស់ក្សត្រី អេលីហ្សាប៊ែត (Elizabeth II) ទី២ គឺជាស្តេចរបស់ចក្រភពអង់គ្លេស ដែលបានសោយរាជ្យយូរអង្វែងជាងគេក្នុងរយៈពេល៧០ឆ្នាំ ហើយក៏ជាក្សត្រីគ្រងលើរាជបុរីប្រមាណ១៤ រាជបុរីផ្សេងទៀតនៅលើពិភពលោកផងដែរ៕
