តើវិធានការរបស់លោកម៉ាក្រុង ដែលកន្លងមកមានរងការរិះគន់យ៉ាងចាស់ដៃពីសំណាក់ពលរដ្ឋបារាំងនោះ នឹងអាចជួយរុញច្រានការស្ដារសេដ្ឋកិច្ចរបស់ប្រទេសបានដែរឬទេ?
គេនៅចាំបានថា កាលពីថ្ងៃទី ១២ ខែកក្កដា ប្រធានាធិបតីបារាំង លោក ម៉ាក្រុង បានដាក់ចេញវិធានការស្ដីពីការចាក់វ៉ាក់សាំង និងតម្រូវឱ្យពលរដ្ឋបារាំងបង្ហាញបណ្ណបញ្ជាក់សុខភាពមុនចូលភោជនីយដ្ឋាន និងកន្លែងសាធារណៈផ្សេងទៀត ដោយបណ្ណនោះ គឺមានការបញ្ជាក់ពីការបានចាក់វ៉ាក់សាំងកូវីដ-១៩។ មកទល់ពេលនេះ បណ្ណបញ្ជាក់សុខភាពនេះ ត្រូវបានប្រើប្រាស់ពេលលេញហើយក្នុងប្រទេសបារាំង ដោយត្រឹមតែរយៈពេលជាង១ខែប៉ុណ្ណោះ មានអ្នកចាក់វ៉ាក់សាំងប្រមាណជាង ១លាននាក់ហើយ។
បន្ទាប់ពីពលរដ្ឋភាគច្រើនបានចូលរួមក្នុងការចាក់វ៉ាក់សាំង សេដ្ឋកិច្ចបារាំងត្រូវបានគេមើលឃើញថា អាចវិលត្រឡប់នៅរកភាពល្អប្រសើរវិញនៅចុងឆ្នាំ២០២១នេះ។ ទន្ទឹមនេះ រដ្ឋមន្ត្រីក្រសួងហិរញ្ញវត្ថុបារាំង លោក ប្រូណូ ឡឺមែរបានឱ្យដឹងថា សេដ្ឋកិច្ចបារាំងកំពុងដំណើរការល្អឡើងវិញហើយ ដោយសារកំណើននៃការចំណាយរបស់អ្នកប្រើប្រាស់ និងការកើនឡើងអាជីវកម្មភោជនីយដ្ឋាន កត្តានេះបានបញ្ជាក់ថា សាធារណជនបានសម្របខ្លួនបានល្អចំពោះការណែនាំអំពីបណ្ណបញ្ជាក់សុខភាពដែលរដ្ឋាភិបាលបានកំណត់ជាកាតព្វកិច្ចរបស់ពលរដ្ឋបារាំង។
អត្ថបទគួរអាន
សូមជម្រាបថា សេដ្ឋកិច្ចបារាំងបានកើនឡើង ១៥% គិតត្រឹមពាក់កណ្ដាលខែសីហា បើធៀបនឹងរយៈពេលដូចគ្នាកាលពីឆ្នាំមុន ខណៈដែលនៅឆ្នាំ២០២១នេះ បារាំងមានគោលដៅកំណើនសេដ្ឋកិច្ចបារាំង ៦%។ សូមរំលឹកថា សេដ្ឋកិច្ចបារាំងបានធ្លាក់ចុះ ៨%កាលពីឆ្នាំមុន ដែលការធ្លាក់ចុះសេដ្ឋកិច្ចដ៏អាក្រក់បំផុតរបស់ខ្លួនចាប់តាំងពីសង្គ្រាមលោកលើកទី ២មក ដោយសារជំងឺរាតត្បាតបានធ្វើឱ្យប៉ះពាល់យ៉ាងខ្លាំងដល់សកម្មភាពសេដ្ឋកិច្ចក្នុងស្រុក។
គួរបញ្ជាក់ថា បារាំងបច្ចុប្បន្នមានប្រជាជនប្រមាណ ប្រមាណជាង ៤៧លាននាក់ហើយបានទទួលវ៉ាក់សាំង១ដូស និងមានជាង ៤០លាន៥សែននាក់ បានទទួលវ៉ាក់សាំងគ្រប់២ដូស។ ថ្វីត្បិតថាពលរដ្ឋបារាំងភាគច្រើនបានចូលរួមជាមួយរដ្ឋាភិបាលក្នុងការចាក់វ៉ាក់សាំងក៏ដោយ ក៏នៅតែមានការក្រុមបាតុករចេញមកប្រឆាំងតវ៉ានឹងវិធានការចាក់វ៉ាក់សាំងនេះដដែរ ខណៈកាលពីសប្ដាហ៍មុនមានក្រុមបាតុករហែរក្បួនជាង ២០ម៉ឺននាក់បានចេញមកតវ៉ាជាថ្មីមកទៀត។ នេះបើយោងតាមសារព័ត៌មាន AP។
អត្ថបទ៖ ស៊ើង និមល់
None
