បើតាមក្រសួងអ្នកដែលបានចូលហាងម៉ាហ្សាទាំង៣ទីតាំង (រាយឈ្មោះនៅខាងក្រោម) ចាប់ពីថ្ងៃទី ២៤ ខែកុម្ភៈ ដល់ថ្ងៃទី ០៥ ខែមីនា ឆ្នាំ២០២១ សូមទៅធ្វើតេស្ដយកវត្ថុសំណាក់រកកូវីដ-១៩ ជាបន្ទាន់។
ហាងម៉ាហ្សាទាំងបីទីតាំងនោះ មានឈ្មោះតែមួយទេ គឺ Let’s Relex Spa តែមានទីតាំងផ្សេងគ្នា៖
ទី១ មានទីតាំងផ្ទះលេខ២៤ ផ្លូវម៉ៅសេទុង សង្កាត់បឹងកេងកង១ ខណ្ឌបឹងកេងកង រាជធានីភ្នំពេញ
ទី២ មានទីតាំងផ្ទះលេខ ២៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ
ទី៣ មានទីតាំងផ្ទះលេខ ១៩៩ ផ្លូវពញរះនរោត្តម សង្កាត់បឹងកេងកង១ ខណ្ឌបឹងកេងកង រាជធានីភ្នំពេញ។
អត្ថបទទាក់ទង!
បើតាមក្រសួងសុខាភិបាល ហាងម៉ាហ្សា Let’s Rexlex Spa ដែលមានទីតាំងស្ថិតនៅតាមបណ្ដោយផ្លូវម៉ៅសេទុង សង្កាត់បឹងកេងកង១ មានអ្នកជំងឺកូវីដ-១៩ ម្នាក់ជាស្ត្រីជនជាតិចិន (មិនចាំថ្ងៃ) បានទៅប្រើប្រាស់សេវានៅទីនោះ។ នៅថ្ងៃទី ២២ ខែកុម្ភៈ ឆ្នាំ២០២១ ក្រោយពីបានយកវត្ថុសំណាកលើកទី១ បានចំនួន៤៧នាក់ ដែលជាបុគ្គលិកមកពីសាខាហាងម៉ាហ្សាទាំង៣ទីតាំងខាងលើនេះរួចមក ហាងទាំងបីទីតាំងនេះ នៅតែមានការទទួលភ្ញៀវតាមធម្មតា ដោយមានការផ្លាស់ប្ដូរបុគ្គលិកពីទីតាំងមួយទៅទីតាំងមួយទៀត។ ជាលទ្ធផលក្រោយធ្វើតេស្ដជាលើកទី២ នៅថ្ងៃទី ០៥ ខែមីនា ឆ្នាំ២០២១ បានរកឃើញថា មានករណីវិជ្ជមានកូវីដ-១៩ លើបុគ្គលិកហាងម៉ាហ្សានេះចំនួន៣នាក់៕
None
