នៅក្នុងកម្មវិធីផ្តល់វិញ្ញាបនបត្របញ្ចប់ការសិក្សាដល់សិស្សានុសិស្សនៃសាលាអន្តរជាតិផ្លេនីត លោក យ៉ុង ចិត្រា នាយកសាលាអន្តរជាតិ Planet បានឲ្យដឹងថា សាលារៀនអន្តរជាតិនៅកម្ពុជាមានកំណើនគួរឲ្យកត់សម្គាល់ពីមួយឆ្នាំទៅមួយឆ្នាំ ដែលអាចឲ្យវិស័យអប់រំផ្នែកឯកជនមួយនេះមានការប្រកួតប្រជែងគ្រាន់បើដែរ។ បែបនេះក្តី លោកថាការប្រកួតប្រជែងក្នុងវិស័យនេះ ជួយដល់ប្រព័ន្ធអប់រំរបស់កម្ពុជាកាន់តែប្រសើរ។
ចំណែកអាណាព្យាបាលរបស់សិស្សានុសិស្សដែលបានទៅចូលរួមក្នុងកម្មវីធីនេះវិញបានថ្លែងថា សាលារៀនឯកជន ជាពិសេសសាលារៀនអន្តរជាតិដែលមានស្តង់ដាសិក្សាបែបបរទេស អាចអភិវឌ្ឍសមត្ថភាពកូនៗរបស់គាត់ ជាពិសេសលើផ្នែកភាសាបរទេសបានយ៉ាងល្អ។
លោក យ៉ុង ចិត្រា នាយកសាលាអន្តរជាតិ Planet
អត្ថបទទាក់ទង!
យោងតាមស្ថិតិនិងសូចនាករអប់រំឯកជនដែលចេញផ្សាយដោយក្រសួងអប់រំយុវជន និងកីឡាសម្រាប់ឆ្នាំ២០១៧និង២០១៨កន្លងទៅបានបង្ហាញថា សាលារៀនឯកជនទូទាំងប្រទេសមានសរុបចំនួន១០៧៦សាលាលារៀន ដោយវិស័យអប់រំឯកជនទាំងនេះត្រូវបានរដ្ឋមន្រ្តីក្រសួងអប់រំបញ្ជាក់ថា បានរួមចំណែកច្រើនក្នុងការអភិវឌ្ឍធនធានមនុស្សនៅកម្ពុជាប្រកបដោយគុណភាព៕
None
