ថៃ គ្រោងផ្ដល់សិទ្ធិរុករករ៉ែប្រេងកាតក្នុងខេត្តចំនួន៩ រួមទាំងខេត្តសុរិន្ទជាប់ព្រំដែនកម្ពុជា
ថៃ ដែលជាប្រទេសមានសេដ្ឋកិច្ចធំបំផុតទី២នៅអាស៊ាន បន្ទាប់ពីឥណ្ឌូនេស៊ី គ្រោងផ្ដល់សិទ្ធិរុករករ៉ែប្រេងកាតលើដីគោកចំនួន៩ទីតាំងផ្សេងគ្នា ដែលគ្របដណ្…
ការិយាល័យទទួលបន្ទុកគ្រឿងញៀន និងឧក្រិដ្ឋកម្មនៃអង្គការសហប្រជាជាតិ បានចេញផ្សាយលទ្ធផលនៃការសិក្សាស្រាវជ្រាវមួយកាលពីពេលថ្មីៗនេះ ស្ដីពីការស្ទង់មតិអាភៀននៅមីយ៉ាន់ម៉ា ឆ្នាំ២០២៤ ដោយផ្ដោតលើការដាំដុះ ការផលិត និងផលប៉ះពាល់។
លទ្ធផលនៃការស្ទង់មតិនេះ បានបង្ហាញថា រដ្ឋសាននៅតែជារដ្ឋឈានមុខគេក្នុងការផលិតអាភៀននៅក្នុងប្រទេសមីយ៉ាន់ម៉ា ដោយផលិតអាភៀនបានរហូតដល់៨៨% នៃការផលិតអាភៀនសរុបនៅក្នុងប្រទេសនេះ មានការកើនឡើង១០% បើធៀបនឹងឆ្នាំមុន បើទោះជាការដាំអាភៀននៅតាមតំបន់ភាគខាងជើង និងភាគឦសាននៃរដ្ឋសានជាប់ព្រំដែនឡាវ និងថៃ បានធ្លាក់ចុះបន្តិចក៏ដោយ។
របាយការណ៍របស់អង្គការនេះបានបង្ហាញថា នៅក្នុងរដ្ឋកាឈីន ការដាំដុះអាភៀនបានធ្លាក់ចុះ១០% ខណៈដែលរដ្ឋឈីន នៅជិតព្រំដែនប្រទេសឥណ្ឌា បានកើនឡើង១៨%។ ចំណែករដ្ឋកាយ៉ា ក៏បានកើនឡើង៨% លើការដាំដុះអាភៀននៅក្នុងឆ្នាំនេះផងដែរ។
របាយការណ៍នេះបានសង្កត់ធ្ងន់ថា ទោះបីជាផលិតកម្មអាភៀនជារួមនៅក្នុងប្រទេសមីយ៉ាន់ម៉ា នៅឆ្នាំ២០២៤ មានការថយចុះបន្តិចក្តី ប៉ុន្តែប្រទេសនេះនៅតែជាប្រភពផលិតអាភៀនឆៅ និងថ្នាំហេរ៉ូអ៊ីនដ៏ធំបំផុតនៅលើពិភពលោក៕
អត្ថបទ៖ សុខ មង្គល
