តើអ្វីខ្លះជាអំណះអំណាងរបស់ស្ថាប័ន S&P ចំពោះការព្យាករនេះ?
ក្នុងកំណត់ហេតុមួយស្ថាប័ន S&P និយាយថា អាស៊ីប៉ាស៊ីហ្វិកតំណាងឱ្យ ៣៥% នៃGDP ពិភពលោក នឹងក្លាយជាអ្នកដឹកនាំកំណើនសេដ្ឋកិច្ចសកលនៅឆ្នាំ២០២៣។ សេដ្ឋកិច្ចតំបន់ដ៏មានឥទ្ធិពលមួយនេះត្រូវបានជំរុញដោយកិច្ចព្រមព្រៀងពាណិជ្ជកម្មសេរីក្នុងតំបន់ និងខ្សែចង្វាក់ផ្គត់ផ្គង់ប្រកបដោយប្រសិទ្ធភាព។
ទោះបីមើលឃើញភាពល្អប្រសើរនៃសេដ្ឋកិច្ចអាស៊ីប៉ាស៊ីហ្វិក ដែលឈានទៅដឹកនាំសេដ្ឋកិច្ចពិភពលោកក៏ដោយ ប៉ុន្ដែស្ថាប័នហិរញ្ញវត្ថុ S&P បានកាត់បន្ថយការព្យាករកំណើនសេដ្ឋកិច្ចសកលឆ្នាំ២០២២ពីអត្រា ២% ដែលបានព្យាករកាលពីខែមុន មកនៅត្រឹម១,៦%នៅក្នុងខែនេះ។ ដោយឡែកសម្រាប់ឆ្នាំ២០២៣ S&P រំពឹងថា GDP ពិភពលោកនឹងមានកំណើន១,៤%។ នោះគឺជាការធ្លាក់ចុះយ៉ាងខ្លាំងពីកំណើនសេដ្ឋកិច្ចសកលកាលពីឆ្នាំ២០២១ដែលធ្លាប់មានដល់ទៅ៥,៩%។
អត្ថបទគួរអាន
យ៉ាងណាក្តី S&P ប៉ាន់ស្មានថា សេដ្ឋកិច្ចសកលទំនងជាអាចបញ្ចៀសការធ្លាក់ចូលក្នុងវិបត្តិបាន បើទោះបីទស្សនវិស័យសេដ្ឋកិច្ចនៅតាមតំបន់ក្រៅពីអាស៊ីប៉ាស៊ីហ្វិក និងប្រទេសនានា កំពុងមាននិន្នាការអវិជ្ជ ហើយកំពុងជះឥទ្ធិពលមិនល្អមកលើសេដ្ឋកិច្ចសកលក្តី។
ក្រៅតែពីកំណើនសេដ្ឋកិច្ចជារួម S&P ចាប់អារម្មណ៍ខ្លាំងទៅលើសន្ទុះសេដ្ឋកិច្ចប្រទេសទាំង១០នៅអាស៊ាន និងនៅប្រទេសឥណ្ឌា ដែលទទួលបានអត្ថប្រយោជន៍ពីការធ្វើពិពិធកម្មពាណិជ្ជកម្មរបស់ខ្លួនឯង ឃ្លាតចេញពីការពឹងផ្អែកទាំងស្រុងលើប្រទេសចិន ខណៈដែលប្រទេសឥណ្ឌាបានបង្ហាញពីកំណើនដ៏រឹងមាំជាងគេ។
ទិន្នន័យពីការតាមដានរបស់សារព័ត៌មាន CNBC បង្ហាញថា ប្រទេសចិនកំពុងបាត់បង់ការគ្រប់គ្រងផលិតកម្ម និងការនាំចេញរបស់ខ្លួនកាន់តែច្រើន បណ្តាលមកពីដោយគោលនយោបាយកូវីដស្មើសូន្យ របស់ខ្លួន។
គួរបញ្ជាក់ថា ដោយសារការតែការជឿជាក់លើអតិផរណាអាចនឹងធ្លាក់ចុះមកវិញ ស្របពេល គោលនយោបាយរូបិយវត្ថុក៏ត្រូវបន្ធូរបន្ថយវិញក្នុងប៉ុន្មានឆ្នាំខាងមុខនេះ S&P រំពឹងថា GDP សកលលោកនឹងកើនឡើងដល់ ២,៨% ក្នុងឆ្នាំ២០២៤ ហើយកើនដល់ ៣% ក្នុងឆ្នាំ២០២៥៕
