Advertisement
ឥទ្ធិពល​ចិន​ក្នុងទីផ្សារតំបន់

ថៃ ព្រួយបារម្ភពីការបាត់ចំណែកទីផ្សារក្នុងតំបន់ ដោយសារឥទ្ធិពលរបស់ចិន


ប្រទេសថៃ បានបង្ហាញពី ការព្រួយបារម្ភចំពោះការបាត់បង់ចំណែកទីផ្សារក្នុងតំបន់ ក្រោយពី សង្កេតឃើញថា ឥទ្ធិពលនៃទំនិញធូរថ្លៃរបស់ចិន បានសាយភាយមកដល់ ទីផ្សារសំខាន់របស់ថៃ រួមមាន កម្ពុជា ឡាវ មីយ៉ាន់ម៉ា និងវៀតណាម។ នេះបើយោងតាមការស្រាវជ្រាវរបស់ សាកលវិទ្យាល័យសភាពាណិជ្ជកម្មថៃ។
នាយករដ្ឋមន្ត្រីថៃ លោកប្រយុទ្ធ ចាន់អ៊ូចារ (ឆ្វេង) និងលោក ប្រធានាធិបតីចិន ស៊ី ជិនពីង (ស្ដាំ) (រូបភាព៖ www.foreignpolicy.com)
ដោយ
Advertisement

លោក អាត​ ភីសានវ៉ានិច នាយកមជ្ឈមណ្ឌល​សិក្សា​ពាណិជ្ជកម្ម​អន្តរជាតិនៃ សាកលវិទ្យាល័យ​សភាពាណិជ្ជកម្ម​ថៃ បានអះអាងថា ក្នុងរយៈពេល​ខ្លី ត្រឹមឆ្នាំ ២០២២ខាងមុខ ថៃ នឹងបាត់បង់ចំណែក​ទីផ្សារ​ប្រមាណ ៦ពាន់លានដុល្លារ​អាមេរិក ចេញពីចំណែក​ទីផ្សាររបស់ បណ្តាប្រទេស ​CLMV រួមមាន កម្ពុជា ឡាវ មីយ៉ាន់ម៉ា និងវៀតណាម ដោយសារតែការហូរចូល​នៃទំនិញ​ធូរថ្លៃរបស់ចិន។

លោក ពន្យល់ថា ចាប់តាំងពីឆ្នាំ ២០០៤ ដល់ឆ្នាំ ២០១៨ បណ្តាប្រទេស​ក្នុងអាស៊ាន​ បាននាំចូលទំនិញ ដែលមាន​តម្លៃ​ប្រមាណ ១៩៤ពាន់លានដុល្លារ​អាមេរិក ទៅកាន់ប្រទេស​ចិន កើនឡើងប្រមាណ ៤ដង ក៏ប៉ុន្តែការនាំ​ចូលពីចិន​មកវិញ​កើនឡើង​រហូតដល់ទៅ ៧ដង ដែលមានទំហំ​ទឹកប្រាក់​ប្រមាណ ២៧៧ពាន់លាន​ដុល្លារអាមេរិក។

ដោយឡែក ការនាំចេញ​របស់​ប្រទេស ​CLMV ទៅកាន់ចិន កើនឡើង ២២ដង ដែលមានទំហំ​ទឹកប្រាក់ ៥៨ពាន់លាន​ដុល្លារ​អាមេរិក​ហើយការនាំទំនិញចិន​ចូលមកវិញ​កើនឡើង ១៧ដង​ផងដែរ ដោយមានទំហំទឹកប្រាក់ ៩៥ពាន់លាន​ដុល្លារ​អាមេរិក។

លោក អាត​ ភីសានវ៉ានិច បន្ថែមថា ​ថៃ អាចនឹងបាត់បង់​ការនាំចេញ​វាយនភ័ណ្ឌ ក្បឿង និងផលិតផល​ធ្វើអំពីស្បែក ដែលធ្លាប់តែ​នាំចេញ​ទៅកាន់ វៀតណាម​ ហើយក៏ព្រួយបារម្ភ​ខ្លាច បាត់បង់ ការនាំចេញភេសជ្ជៈ ដែកថែប និងសម្លៀកបំពាក់ នៅក្នុងចំណែកទីផ្សារ​មីយ៉ាន់ម៉ាផងដែរ។

សូមជម្រាបថា អ្នកជំនាញថៃ ក៏បានផ្តល់ជាមតិយោបល់​ថា ថៃ​គួរតែភ្ជាប់ខ្លួន ជាមួយនឹង​ខ្សែសង្វាក់ផ្គត់ផ្គង់​ផលិតផល​របស់ចិន ដើម្បីជំរុញ​ការនាំចេញ​ទៅកាន់​ប្រទេសទី​៣ ហើយគួរតែចាប់​ឱកាសទាក់ទាញ​ក្រុមហ៊ុន​វិនិយោគធំៗ​របស់ចិន ឲ្យបានច្រើន​បន្ថែមទៀត៕

Advertisement
© 2019 រក្សាសិទ្ធិ​គ្រប់​បែប​យ៉ាង​ដោយ ខេមបូណូមីស។ សម្រាប់​ការ​ប្រើ​ប្រាស់ ឬ​ផ្សាយ​បន្ត សូមទាក់ទង​មក អ៊ីម៉េល sothea[at]cambonomist.com ឬទូរស័ព្ទលេខ​ 089 777 076។



អត្ថបទបន្ទាប់


ទិវាទិញទំនិញ Black Friday មានប្រតិបត្តិការទិញលក់ជាង ៧ពាន់លានដុល្លារ

ព័ត៌មាន
ការទិញទំនិញតាមប្រព័ន្ធអនឡាញ នាឱកាសទិវាទិញទំនិញ Black Friday ដែលជាព្រឹត្តិការណ៍លក់ទំនិញបញ្ចុះតម្លៃដ៏ធំសម្បើមមួយ នៅសហរដ្ឋអាមេរិក បាន...

ជប៉ុន នឹងផ្ដល់ជំនួយឥតសំណងប្រមាណ ២២ លានដុល្លារ ដល់កម្ពុជា សម្រាប់គម្រោងទឹកស្អាតនៅខេត្តពោធិ៍សាត់

ព័ត៌មាន
រដ្ឋាភិបាលជប៉ុន នឹងផ្ដល់ហិរញ្ញប្បទានឥតសំណង ក្នុងចំនួនទឹកប្រាក់ជាង២ពាន់៤០០ លានយ៉េន ឬស្មើនឹងប្រមាណ២២ លានដុល្លារអាមេរិក ដល់កម្ពុជា ដើម្ប...
ច្រើនទៀត

អត្ថបទស្រដៀង


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ