នៅក្នុងសន្និសិទសារព័ត៌មាននេះ អ្នកតំណាងរបស់អង្គការ UNICEF លោកស្រីForoogh Foyoozat បានធ្វើការកោតសសើរចំពោះប្រមុខរាជរដ្ឋភិបាលដែលបានធ្វើការចាក់វ៉ាក់សាំងជូនប្រជាជនកាលពីសប្ដាហ៍មុនដែលមានប្រជាពលរដ្ឋទី៨លាននាក់បានចាក់វ៉ាក់សាំងនៅកម្ពុជា ហើយនេះមានន័យថា រាជរដ្ឋាភិបាលបានសម្រេចបាននូវលទ្ធផលប្រមាណជាង៨០%នៅក្នុងប្រជាពលរដ្ឋគោលដៅ ដែលវាជាអត្រាខ្ពស់មួយនៅទូទាំងពិភពលោក។
យ៉ាងណាក៏ដោយចុះ តំណាងអង្គការ UNICEF រូបនេះ បានបន្ថែមទៀតថា វ៉ាក់សាំងគឺអាចការពារយើង មិនឲ្យមានការឆ្លាក់ខ្លួនឈឺធ្ងន់ធ្ងរក៏ពិតមែន ប៉ុន្តែវ៉ាក់សាំងមិនអាចការពារឲ្យរួចផុតពីការឆ្លងរីករាលដាលនៃជំងឺកូវីដ១៩បាន១០០%នោះដែរ។ ចំណុច ដែលជាការគំរាមកំហែងដ៏សំខាន់ជាងគេនោះ គឺហានិភ័យដែលកើតចេញពីការធ្វេសប្រហេសរបស់ នៅពេលដែលយើញឃើញតួលេខដ៏ច្រើននៃប្រជាពលរដ្ឋបានចាក់វ៉ាក់សាំង បែរជាភ្លេចការការពារខ្លួន។
អត្ថបទទាក់ទង
លោកស្រីបានបញ្ជាក់ថា នៅថ្ងៃនេះកម្ពុជាកំពុងតែធ្វើដំណើរជិតដល់កន្លែងសុវតិ្តភាព ប៉ុន្តែក៏នៅមិនទាន់បានទៅដល់នោះទេ ហើយយើងក៏ដឹងថាគ្រប់គ្នាមានការហត់នឿយចំពោះជំងឺនេះក៏ប៉ុន្តែនៅខណៈនេះ កម្ពុជាមិនអាចបោះបង់នូវវិធានការការពាររបស់ក្រសួងសុខាភិបាល ៣កុំ ៣ការពារនោះដែរ ដោយវិធីទាំងអស់នោះ អាចឲ្យយើងមានសុវត្តិភាពមិនមែនមានន័យថា ប្រជាពលរដ្ឋជាង៨០% ដែលបានចាក់វ៉ាក់សាំងរួចហើយ អាចរួចចផុតពីជំងឺកូវីដ១៩ដ៏កាចសាហាវនេះបានទេ ព្រោះវ៉ាក់សាំងតែមួយមុខ មិនអាចអាចទប់ស្កាត់ការឆ្លងរីករាលដាលកូវីដបានទេ គឺត្រូវមានវិធានផ្សេងៗដើម្បីរួមចំណែកគ្នានៅស្ថានភាពមួយនេះផងដែរ៕
អត្ថបទ៖ ហួន ស្រីនីត
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
