សង្រ្គាមពាណិជ្ជកម្មរវាងអាមេរិក-ចិន នៅតែបន្ត រីកកាន់តែធំ និងហាក់ពុំទាន់មានភាពស្រាកស្រាន្តនៅឡើយទេ តួយ៉ាង ប្រធានាធិបតីអាមេរិក លោក ដូណាល់ ត្រាំ បានបន្ថែមកម្តៅជាថ្មីម្តងទៀត ដោយទាមទារឲ្យ ភាគីចិន សម្រេចទៅលើ កិច្ចព្រមព្រៀងមួយ ដែលបើកចំហរទីផ្សារឲ្យ ផលិតផល និងក្រុមហ៊ុនអាមេរិក ចូលទៅប្រកួតប្រជែងក្នុង ប្រទេសចិន តែម្តង។
លោក ដូណាល់ ត្រាំ បានបញ្ជាក់ថា លោកមានបំណងជួបផ្ទាល់ជាមួយ ប្រធានាធិបតីចិន លោក ស៊ី ជីនពីង នៅក្នុងកិច្ចប្រជុំកំពូល G20 ដែលនឹងធ្វើឡើងនៅប្រទេសអាហ្សង់ទីន ក្នុងសប្តាហ៍នេះ ហើយបើសិនជាគ្មានកិច្ចព្រមព្រៀងណាមួយ ត្រូវបានសម្រេចនោះទេ លោកនឹងដំឡើងពន្ធបន្ថែមទៅ ទំនិញនាំចូលពីប្រទេសចិន ដែលធ្វើឲ្យតម្លៃសរុបឈានដល់ជាង ៥០០ពាន់លានដុល្លារអាមេរិក។
អត្ថបទទាក់ទង!
គួររម្លឹកថា កាលពីខែ កញ្ញា កន្លងមកនេះ លោកប្រធានាធិបតីអាមេរិក បានសម្រេចដំឡើងពន្ធលើ ទំនិញចិន ដែលមានតម្លៃជាង ២០០ពាន់លានដុល្លារអាមេរិក រួចម្តងទៅហើយ ហើយសម្រាប់លើកនេះ លោក ដូណាល់ ត្រាំ គ្រោងដំឡើងពន្ធលើ ទំនិញចិន តម្លៃជិត ២៧០ពាន់លានដុល្លារ បន្ថែមទៀត បើទោះបីជា ប្រទេសចិន ធ្លាប់បានឆ្លើយតប ដោយបានដំឡើងពន្ធទៅលើ ទំនិញជាច្រើនមុខរបស់ អាមេរិក ដែលមានតម្លៃជាង ៦០ពាន់លានដុល្លារ ក្នុង ខែកញ្ញា ដដែលនេះ។
អត្ថបទគួរឲ្យចាប់អារម្មណ៍!
លើសពីនេះទៅទៀត លោក ដូណាល់ ត្រាំ ក៏មានបំណងដំឡើងពន្ធលើ ទូរស័ព្ទ iPhone របស់ក្រុមហ៊ុន Apple និងកុំព្យូទ័រ Laptop ដែលនាំចូលមកពីប្រទេសចិន បើទោះបីជា វាប៉ះពាល់ដល់អ្នកប្រើប្រាស់របស់ អាមេរិកក៏ដោយ៕
None
