ការធ្លាក់ចុះនូវ GDP ដ៏គំហុកនេះ គឺសបញ្ជាក់ពី ការធ្លាក់ចុះនូវការចំណាយក្នុងជីវភាពរស់នៅប្រចាំថ្ងៃរបស់ប្រជាពលរដ្ឋអាមេរិក, ការថមថយចុះនូវ ការនាំចេញទំនិញ, បាត់បង់ការវិនិយោគជាច្រើន ហើយរដ្ឋ ត្រូវបង្កើនការចំណាយ សម្រាប់បន្ទុកបញ្ហានេះ។
ការិយាល័យវិភាគសេដ្ឋកិច្ចនៃ នាយកដ្ឋានពាណិជ្ជកម្មអាមេរិក បានបង្ហាញថា ការចំណាយសម្រាប់ជីវភាពប្រចាំថ្ងៃរបស់ ប្រជាពលរដ្ឋអាមេរិក បានធ្លាក់ចុះ ៣៤% គិតចាប់ពីខែមេសា ដល់ខែមិថុនា នេះដែលបានទាញទម្លាក់ពិន្ទុរបស់ GDP អាមេរិក ឲ្យធ្លាក់ចុះរហូតដល់ទៅ ២៤,៨ ពិន្ទុគិតជាភាគរយ។
អត្ថបទទាក់ទង!
វិស័យសេវាកម្ម គឺជាវិស័យដែលរងគ្រោះខ្លាំងជាងគេ ធ្លាក់ចុះរហូតដល់ទៅ ៤៣% ហើយការវិនិយោគទៅលើអាជីវកម្មនានា ធ្លាក់ចុះ ២៦% បើយើងធៀបនឹងត្រីមាសទី ២ កាលពីឆ្នាំ ២០១៩កន្លងទៅ។
បន្ថែមលើនេះ ចំនួនអ្នកដាក់ពាក្យបាត់បង់ការងារធ្វើនៅអាមេរិក កើនឡើងលើសពី ១លាននាក់ ក្នុងមួយសប្តាហ៍ ដែលសបញ្ជាក់ពីភាពចុះទន់ខ្សោយនៃទីផ្សារការងារ ដែលត្រូវបានរំខានដោយ បញ្ហាកូវីដ-១៩។
សូមបញ្ជាក់ដែរថា គិតត្រឹមថ្ងៃទី ២៨ ខែសីហា នេះករណីឆ្លងមេរោគកូវីដ-១៩ នៅសហរដ្ឋអាមេរិក បានកើនឡើងលើស ៥លាន ៨សែនករណីហើយ ខណៈអ្នកស្លាប់ កើនដល់ជាង ១៨ម៉ឺននាក់ ហើយអ្នកព្យាបាលជាសះស្បើយមានជាង ៣លាននាក់៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
