នាយកដ្ឋានការងារក្រៅប្រទេស ស្ថិតក្រោមក្រសួងការងារវៀតណាម បានធ្វើការណែនាំដល់ ពលករវៀតណាម កុំឲ្យធ្វើដំណើរទៅកាន់ ទីសាធារណៈ ទីប្រជុំជន និងតំបន់គ្រោះថ្នាក់ ដែលមេរោគកំពុងផ្ទុះឡើង ជាពិសេសគឺ កុំចាកចេញពី ប្រទេសកូរ៉េ។ក្រសួងការងារវៀតណាម បញ្ជាក់ទៀតថា បើសិនជា ពួកគេ ចាំបាច់ត្រូវត្រលប់មកស្រុកកំណើតវិញ ដោយសារតែកុងត្រាត្រូវបញ្ចប់ ពួកគេត្រូវតែអនុវត្តតាមគោលការណ៍ណែនាំរបស់ កូរ៉េខាងត្បូង និងវៀតណាម ដោយត្រូវដាក់ឲ្យរស់នៅដាច់ដោយឡែកពីគ្នា រយៈពេល ១៤ថ្ងៃ និងតាមដានសុខភាពជាប្រចាំ។
យ៉ាងណាក៏ដោយចុះ ក្រុមហ៊ុនអាកាសចរណ៍វៀតណាមមួយចំនួន បានប្រកាសផ្អាកជើងហោះហើរជាមួយនឹង ប្រទេសកូរ៉េខាងត្បូង និងរង់ចាំបើកដំណើរការឡើងវិញ នៅពេលដែលមេរោគកូវីដ ១៩ ត្រូវបានគ្រប់គ្រងប្រសើរជាងនេះ។
អត្ថបទគួរអាន
រដ្ឋាភិបាលវៀតណាម
ក៏បានស្នើឲ្យមាន ការលុបជើងហោះហើរទៅកាន់ កូរ៉េខាងត្បូង និងពន្យារពេលផ្តល់ទិដ្ឋាការឥតគិតថ្លៃ
សម្រាប់ជនជាតិកូរ៉េ ហើយក៏មានការហាមឃាត់ មិនទទួលអ្នកដំណើរទាំងអស់ ដែលមកពី
ប្រទេស និងតំបន់ដែលកំពុងឆ្លងមេរោគកូវីដ ១៩ ដូចជាកូរ៉េខាងត្បូង ជប៉ុន អឺរ៉ុង់
និងអ៊ីតាលី។
សូមជម្រាបដែរថា បើតាមក្រសួងការបរទេសវៀតណាម បានឲ្យដឹងថា បច្ចុប្បន្នមាន ជនជាតិវៀតណាមជាង ២សែននាក់ កំពុងសិក្សា និងធ្វើការងារនៅក្នុងប្រទេសកូរ៉េខាងត្បូង ហើយក្នុងនោះ មានជាង ២ម៉ឺន ៦ពាន់នាក់ រស់នៅក្នុងតំបន់គ្រោះថ្នាក់ ដែលកំពុងឆ្លងមេរោគនេះ៕
None
