Advertisement
រថភ្លើង​ល្បឿនលឿន​វៀតណាម​

វៀតណាម មានមហិច្ឆតា សង់ផ្លូវរថភ្លើងល្បឿនលឿន តម្លៃជិត ៦០ ពាន់លានដុល្លារ ឆ្លងកាត់ ២០ខេត្តក្រុង


រដ្ឋាភិបាលវៀតណាម បានបង្ហាញពីមហិច្ឆតាដ៏សម្បើមរបស់ខ្លួន លើគម្រោងសាងសង់ផ្លូវរថភ្លើងល្បឿនលឿន ដែលមានតម្លៃវិនិយោគសរុបជិត ៦០ពាន់លានដុល្លារអាមេរិក មានចម្ងាយផ្លូវ ១.៥៤៩ គីឡូម៉ែត្រ ឆ្លងកាត់ខេត្តក្រុងចំនួន ២០ ចេញពីភាគខាងត្បូង ឆ្ពោះទៅកាន់ភាគខាងជើងនៃផ្ទៃប្រទេស។ គម្រោងនេះ ត្រូវបានគេរំពឹងថា អាចនឹងចាប់ផ្ដើមសាងសង់ឡើងនៅឆ្នាំ ២០២០ និងបញ្ចប់នៅឆ្នាំ២០៤៥។
វៀតណាម មានមហិច្ឆតា សង់ផ្លូវរថភ្លើងល្បឿនលឿន តម្លៃជិត ៦០ ពាន់លានដុល្លារ ឆ្លងកាត់ ២០ខេត្តក្រុង (រូបតំណាង៖ http://www.jll.com)
ដោយ
Advertisement

នៅក្នុងវីដេអូរយៈពេល ប្រមាណ ២ នាទី ដែលបាន​បង្ហោះ​នៅក្នុង​សារព័ត៌មាន Vietnam Express បានបង្ហាញថា ផ្លូវ​រថភ្លើង​ល្បឿនលឿននេះ នឹងត្រូវចំណាយ​ទឹកប្រាក់​វិនិយោគ​សាងសង់​សរុប​ប្រមាណ ៥៨,៧ ពាន់លាន​ដុល្លារអាមេរិក ដោយក្នុងនោះ​ មានការ​ចាប់ដៃគ្នា​​អភិវឌ្ឍ​រវាង​វិស័យ​រដ្ឋ​ និងឯកជន​ ដែល​រដ្ឋ​មាន​ទុន ៨០% និងឯកជន​មាន​ ២០%។  

ប្រភពព័ត៌មាន​ដដែល​​បានឲ្យដឹងទៀតថា ផ្លូវ​រថភ្លើង​ល្បឿន​លឿន ចម្ងាយ​ជាង ១.៥០០ គីឡូ​ម៉ែត្រនេះ នឹងត្រូវ​សាងសង់​​ឆ្លងកាត់​​ជ្រលង​​ភ្នំ​​​ប្រមាណ ៦០% ជីកដី​ទម្លុះ​រូង​ភ្នំ ១០%  និង ៣០% ទៀត គឺសង់​​នៅលើ​​ដីរាប​ធម្មតា ខណៈដែល​ផ្លូវរថភ្លើង​ គឺមាន​ពីរ​គន្លង​សម្រាប់​​បើកបរ​​ទៅមក។ 

ចំណែក​ឯ ល្បឿន ធ្វើដំណើរវិញ គឺល្បឿន​អតិបរមាមាន​​រហូតដល់ ៣៥០ គីឡូម៉ែត្រ ក្នុង​មួយ​ម៉ោង​ ​ ខណៈដែល​ល្បឿន​ប្រតិបត្តិការ គឺ មាន​ ​៣២០ គីឡូម៉ែត្រ​​ក្នុង​មួយម៉ោង។

ផ្លូវរថភ្លើង​ល្បឿនលឿននេះ នឹងធ្វើការតភ្ជាប់​ចេញពី​ស្ថានីយ​រថភ្លើងទីក្រុង​ហាណូយ រហូតដល់​ស្ថានីយ​ធូធៀន​ ពោលគឺតភ្ជាប់​ ពី​តំបន់ភាគខាងត្បូង ទៅដល់តំបន់​ភាគ​ខាងជើង​នៃប្រទេសវៀតណាម​តែម្ដង។

វៀតណាម មានមហិច្ឆតា សង់ផ្លូវរថភ្លើងល្បឿនលឿន តម្លៃជិត ៦០ ពាន់លានដុល្លារ ឆ្លងកាត់ ២០ខេត្តក្រុង

ការសាងសង់​ផ្លូវ​រថភ្លើង​ល្បឿនលឿន​នេះ គឺ​នឹងត្រូវ​ធ្វើឡើង​​ជា ២ដំណាក់​កាល។ ដំណាក់កាលទី១ នឹង​ចាប់ផ្ដើម​សាងសង់​ពីឆ្នាំ ២០២០ ​ដល់ ២០៣០ ដោយនឹងត្រូវ​​ចំណាយ​​ទុនវិនិយោគ ​២៤,៤ ពាន់លាន​ដុល្លារអាមេរិក តភ្ជាប់​ពី​ហានូយ ទៅទីក្រុង Vinh មានចម្ងាយ​ ២៨២​ គីឡូម៉ែត្រ និងតភ្ជាប់​ពី​ទីក្រុង Nha Trang ទៅ​ ហូជីមិញ មានចម្ងាយ ៣៦៣ គីឡូម៉ែត្រ។ ​

រីឯ ដំណាក់កាលទី ២ គឺ​នឹងត្រូវ​​ចាប់ផ្ដើម​សាងសង់​ឡើង នៅ​ចន្លោះ​ឆ្នាំ ២០៣០ ដល់ ​២០៤៥ ដែលគ្រោងនឹង​​​ចំណាយ​​ទុន​ប្រមាណ ៣៣,៧ ពាន់លានដុល្លារអាមេរិក តភ្ជាប់ពីទីក្រុង​ Vinh ទៅ ទីក្រុង Da Nag មានចម្ងាយ​ ៤៣២ គីឡូម៉ែត្រ និងពីទីក្រុង Da Nang ទៅ​ Nha Trang មានចម្ងាយ ៤៧២ គីឡូម៉ែត្រ។ 

អ្នកជំនាញ​សេដ្ឋកិច្ច មើលឃើញថា នៅពេល​ផ្លូវរថ​ភ្លើង​មួយនេះ​ ត្រូវបាន​សាងសង់​រួចរាល់​ និងបើកដំណើរ​ការ​ នោះវានឹង​ក្លាយជា​​សរសៃឈាម​​ដ៏សំខាន់​​មួយទៀត សម្រាប់​វិស័យ​ដឹកជញ្ជូន​ក្នុងប្រទេសនេះ បន្ថែមពីលើ​​មធ្យោបាយ​​ដឹកជញ្ជូន​​ ដែលមានស្រាប់​ដូចជា ​ផ្លូវ​គោក និងទឹក ​ដែល​កំពុង​​មាន​​សក្ដានុពល។ បន្ថែមពីនេះ គេ​ក៏នឹង​បាន​ឃើញ​ពី​​ ការវិវឌ្ឍ​សេដ្ឋកិច្ច​កាន់តែ​ខ្លាំងក្លាថែមទៀត ​របស់ប្រទេស​ប៉ែកអាស៊ីអាគ្នេយ៍មួយនេះ​ ខណៈដែលបច្ចុប្បន្ន​កំពុង​ត្រូវបាន​ប្រទេសមហាអំណាច​​ធំៗ​ដូចជា ​ចិន និងអាមេរិក​ជាដើម កំពុង​​ចាត់ទុក​​ជា ​កូនក្រមុំ​​ដ៏ស្រស់​​សោភា សម្រាប់​​ការ​វិនិយោគ​​ពហុវិស័យ៕​

Advertisement
© 2019 រក្សាសិទ្ធិ​គ្រប់​បែប​យ៉ាង​ដោយ ខេមបូណូមីស។ សម្រាប់​ការ​ប្រើ​ប្រាស់ ឬ​ផ្សាយ​បន្ត សូមទាក់ទង​មក អ៊ីម៉េល sothea[at]cambonomist.com ឬទូរស័ព្ទលេខ​ 089 777 076។



អត្ថបទបន្ទាប់


ក្រុមហ៊ុនថៃ SCG ប្រមូលចំណូលពីកម្ពុជាបាន ៤០០លាន ដុល្លារអាមេរិក នៅឆ្នាំ២០១៨

ព័ត៌មាន
ក្រុមហ៊ុន SCG (Siam Cement Group) ដែលមានមូលដ្ឋាននៅប្រទេសថៃ បានបង្ហាញពីរបាយការណ៍ប្រាក់ចំណូលពីការលក់របស់ខ្លួន នៅក្នុងទីផ្សារប្រទេសកម្ព...

កូរ៉េខាងត្បូង អាចនឹងត្រូវបង់ថ្លៃការពារ ទៅឲ្យអាមេរិក ១ពាន់លានដុល្លារ នៅឆ្នាំនេះ

ព័ត៌មាន
ប្រទេសកូរ៉េខាងត្បូង និងសហរដ្ឋអាមេរិក នៅមិនទាន់បានព្រមព្រៀងគ្នាផ្លូវការនៅឡើយទេ អំពីចំនួនទឹកប្រាក់ ដែលកូរ៉េខាងត្បូង ត្រូវបង់ទៅឲ្យអាមេរិ...
ច្រើនទៀត

អត្ថបទស្រដៀង


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ