រូបិយបណ្ណជប៉ុននេះបានធ្លាក់ចុះទាបជ ១៥០ យ៉េនស្មើនឹង១ដុល្លារអាមេរិក ដែលជាកម្រិតទាបបំផុតមិនធ្លាប់មានគិតក្នុងក្នុងរយៈពេល ៣២ ឆ្នាំមក។ ការលក់ចេញប្រាក់យ៉េនបានកើនឡើងដោយសារតម្រូវការប្រាក់ដុល្លារកើនខ្ពស់នៅក្នុងចំណោមអ្នកនាំចូល និងក្រុមអ្នកឆ្លៀតឱកាសជួញដូរប្រាក់ដុល្លារ ដែលបានចំណេញខ្ពស់ពីគម្លាតអត្រាការប្រាក់រូបិយបណ្ណរបស់ជប៉ុន និងអាមេរិកដែលកំពុងមានទំហំកាន់តែរីកធំឡើងៗនោះ។
បញ្ហាដ៏ធំបំផុតដែលបង្កឡើងដោយប្រាក់យ៉េនធ្លាក់ចុះនេះ គឺតម្លៃអាហារ និងថាមពលចេះតែកាន់តែកើនឡើង ខណៈដែលជប៉ុនពឹងផ្អែកលើការនាំចេញសម្រាប់ការផ្គត់ផ្គង់អាហារប្រហែល ៦០% និងថាមពលប្រហែល ៩០%។ តម្លៃសម្រាប់វិស័យទាំង២នេះ បានកើនឡើងបន្ទាប់ពីការលុកលុយរបស់រុស្ស៊ីលើអ៊ុយក្រែន។
ទោះបីជាគេបានដោះស្រាយបញ្ហានេះតាំងពីពេលនោះមកក៏ដោយក៏តម្លៃប្រេងឆៅ និងស្រូវសាលីនៅតែកើនឡើងប្រហែល ៤០% គិតជាប្រាក់យ៉េនតាំងពីដើមរហូតពេលនេះ ធ្វើឱ្យជប៉ុនបាត់បង់ប្រាក់ចំណូលកាន់តែច្រើនឡើង។
អត្ថបទគួរអាន
ការធ្លាក់ចុះប្រាក់យ៉េនខ្លាំងពេកក៏អាចមានន័យថាផ្នែកការងារជួរមុខកំពុងតែមានបញ្ហាផងដែរ ហើយប្រាក់យ៉េនធ្លាក់ចុះនេះ អាចធ្វើឱ្យប្រទេសជប៉ុនមិនសូវទាក់ទាញពលករចំណាកស្រុកមកពីប្រទេសមួយចំនួនដូចជាវៀតណាមជាដើម។ ទីភ្នាក់ងារសហប្រតិបត្តិការអន្តរជាតិជប៉ុនបានប៉ាន់ប្រមាណថា ជប៉ុននឹងត្រូវការកម្មករ ៥ លាននាក់ទៀត នៅចន្លោះពេលនេះដល់ឆ្នាំ ២០៤០ដើម្បីបំពេញតាមគោលដៅកំណើនរបស់រដ្ឋាភិបាល។
ពេលនោះហើយដែលប្រទេសជប៉ុនអាចនឹងមានហានិភ័យនៃការហូរចេញមូលធនពីប្រទេសនេះកាន់តែច្រើន។ ការធ្លាក់ថ្លៃរបស់ប្រាក់យ៉េន កំពុងធ្វើឱ្យអ្នកវិនិយោគ នឹងដាក់ប្រាក់បន្ថែមទៀតនៅក្នុងការវិនិយោគលើរូបិយបណ្ណ ឬក៏ផ្សារហ៊ុនបរទេសផ្សេងទៀតក្រៅពីជប៉ុន ដោយបញ្ហានេះ បង្កើនការព្រួយបារម្ភថា ប្រាក់បញ្ញើចំនួន ១០០ ទ្រីលានលានយ៉េន ប្រហែលជាង ៦៦៤ ពាន់លានដុល្លាររបស់ជប៉ុន នោះអាចចាប់ផ្តើមហូរចេញពីប្រទេសនេះកាន់តែច្រើនឡើងៗហើយ។
លោក ដៃស៊ុកេ ការ៉ាកាម៉ា (Daisuke Karakama) ប្រធានធនាគារ មីហ្ស៊ុហូ (Mizuho) បាននិយាយថា ប្រទេសជប៉ុនដែលធ្លាប់តែមានអតិរេកគណនីចរន្តដ៏ធំបំផុតមួយកំពុងតែផ្លាស់ប្តូរទៅជាមានឱនភាពជាលំដាប់ទៅវិញ។
ស្ថាប័នស្រាវជ្រាវ និងវិភាគសេដ្ឋកិច្ច Nikkei NEEDS បានព្យាករថា ប្រសិនបើប្រាក់យ៉េនបន្តស្ថិតនៅប្រហែល ១៥០យ៉េន ក្នុង១ដុល្លារ ហើយតម្លៃប្រេងឆៅបានឡើងដល់ ១០០ ដុល្លារក្នុង១បារ៉ែល ដែលបានកើនឡើងពីតម្លៃបច្ចុប្បន្នជាង ៨០ ដុល្លារក្នុងមួយធុងបារ៉ែល អតិរេកគណនីចរន្តរបស់ជប៉ុននឹងធ្លាក់ចុះមកនៅចន្លោះពី ៦ ពាន់៧រយលានដុល្លារទៅ ២០ ពាន់លានដុល្លារនៅក្នុងឆ្នាំសារពើពន្ធ ២០២៣ និង២០២៤ ពោលគឺធ្លាក់ចុះពីចំនួនជិត ៨០ ពាន់លានដុល្លារក្នុងសារពើពន្ធឆ្នាំ២០២១៕
អត្ថបទ៖ សុខ ជា
