App អេស៊ីលីដាម៉ូបាលនេះ ត្រូវបានបង្កើតឡើង ៤ឆ្នាំមកហើយ ហើយវាក៏ជា App ដំបូងគេ បំផុតរបស់ធនាគារ អេស៊ីលីដាក្នុងការបម្រើជូនអតិថិជនក្នុងវិស័យហិរញ្ញវត្ថុ។
ដើម្បីចូលរួមគាំទ្ររាល់ដំណើរការអាជីវកម្មរបស់អតិថិជនឲ្យកាន់តែរីកចម្រើនទ្វេដង លោកស្រី សុខ សោភា នាយិកាប្រតិបត្តិទីផ្សាររបស់ធនាគារ អេស៊ីលីដា បានមានប្រសាសន៍ថា ការអភិវឌ្ឍនូវអេស៊ីលីដាម៉ូបាល ឲ្យមានរូបរាងថ្មីនៅឆ្នាំ២០២១នេះ វាគឺជាការឆ្លើយតបទៅនឹង តម្រូវការអ្នកប្រើប្រាស់ ខណៈដែល អេស៊ីលីដា ជានិច្ចកាលតែងតែស្ដាប់តាមការចង់បាន របស់អតិថិជនរបស់ខ្លួន។
លោក ស្រី សុខ សោភា បានបញ្ជាក់យ៉ាងដូច្នេះថា «យើងតែងស្តាប់អតិថិជន យើងបំពេញតម្រូវការពួកគាត់ កត្តាទាំងអស់នេះហើយ ដែលបានធ្វើឲ្យធនាគារ អេស៊ីលីដាអភិវឌ្ឍ អេស៊ីលីដាម៉ូបាល ដែលមានរូបរាងថ្មីរចនាឡើងដ៏ល្អឥតខ្ចោះ ប្រកបដោយភាពច្នៃប្រឌិត និងមាន បច្ចេកទេសខ្ពស់ ងាយស្រួលប្រើ មានសុវត្ថិភាព ដើម្បីអតិថិជនដ៏ឆ្លាតវៃរបស់យើងប្រើប្រាស់»។
លោកស្រី សុខ សោភា នាយិកាប្រតិបត្តិទីផ្សាររបស់ធនាគារ អេស៊ីលីដា
លោកស្រី សុខ សោភា អះអាងបន្ថែមថា ធនាគារ អេស៊ីលីដា នឹងដាក់ឲ្យប្រើប្រាស់អេស៊ីលីដា ម៉ូបាលនេះ ដោយមិនគិតថ្លៃសេវានៅឆ្នាំ ២០២១ ខណៈApp អេស៊ីលីដាម៉ូបាល របស់ធនាគារនេះ មានអតិថិជន ប្រមាណជាង ១លាន ៧សែននាក់ហើយកំពុងប្រើប្រាស់ ។
ជុំវិញទៅនឹងដំណឹងល្អ អេស៊ីលីដាម៉ូបាល នឹងផ្ដល់ការប្រើប្រាស់ ដោយឥតគិតថ្លៃ ចាប់ពីឆ្នាំ២០២១នេះ ត្រូវបានសាទរពីសំណាក់អតិថិជនយ៉ាងខ្លាំង។
លោក ហាក់ ឈុនលី និស្សិតនៃវិទ្យាស្ថានពាណិជ្ជសាស្រ្តអេស៊ីលីដា អះអាងថា លោកបានប្រើប្រាស់App អេស៊ីលីដាទាន់ចិត្ត អស់រយៈពេលជាង២ឆ្នាំមកហើយ គឺវាមានភាពងាយស្រួល ចំណេញពេលវេលា ក្នុងការបង់វិក័យបត្រផ្សេងៗ ជាពិសេសការទិញកាតទូរស័ព្ទ និងប្រើស្កេនទិញទំនិញផ្សេងៗ។
អត្ថបទទាក់ទង!
លោកហាក់ ឈុនលី បានបញ្ជាក់យ៉ាងដូច្នេះថា ៖« សម្រាប់ខ្ញុំជាអ្នកប្រើប្រាស់ ខ្ញុំគិតថាល្អមែនទែន ខ្ញុំសប្បាយចិត្ត ដែលអេស៊ីលីដា លែងគិតថ្លៃសេវាប្រើប្រាស់ប្រចាំខែ ខ្ញុំសំណូមពរដល់ពលរដ្ឋទាំងអស់ ងាកមកប្រើប្រាស់ App អេស៊ីលីដាទាន់ចិត្តនេះវិញ ដើម្បីចំណេញពេលវេលា មានសុវត្ថិភាព និងមិនចាំបាច់ប្រឈមនឹងការឆ្លងមេរោគផ្សេងៗតាមរយៈការប្រើប្រាស់ក្រដាសប្រាក់ផង!»។
កញ្ញា ម៉ា លីន បុគ្គលិកអង្គការក្រៅរដ្ឋាភិបាល បានបង្ហាញពីភាពរីករាយចំពោះដំណឹងដ៏ល្អនេះ។ កញ្ញា ម៉ា លីន បញ្ជាក់ដូច្នេះថា ៖« ល្អមែនទែន ត្បិតតែវាតិចតួច ១ខែ ០,៥ ដុល្លារ ប៉ុន្តែមួយឆ្នាំវាច្រើនដែរ អញ្ជឹងបើសិនបាន Free សេវាហ្នឹងគឺល្អ ហើយសម្រាប់ជម្រើសសេវាកម្មក្នុង App ហ្នឹង គឺខ្ញុំពេញចិត្តភាគច្រើន ជាពិសេសការទូទាត់ប្រាក់ និង ការបញ្ជូលលុយក្នុងទូរស័ព្ទ ដែលខ្ញុំឧស្សាហ៍ប្រើជាញឹកញាប់ »។
ដំណឹងល្អ! អេស៊ីលីដាម៉ូបាលនឹងផ្ដល់ជម្រើសកាន់តែឆ្លាតវៃ ពិសេសឥតគិតថ្លៃចាប់ពីឆ្នាំ២០២១!
សូមបញ្ជាក់ផងដែរថា បច្ចុប្បន្នធនាគារ អេស៊ីលីដា កំពុងធ្វើឲ្យកាន់តែទាន់សម័យនូវមុខងារបន្ថែមទៀត ដើម្បីបំពេញតម្រូវការអតិថិជនឲ្យកាន់តែសម្បូរបែប ក្នុងការប្រើប្រាស់សេវាកម្មជាច្រើន ដែលមាននៅក្នុង អេស៊ីលីដាទាន់ចិត្ត ដូចជាស្កែនទូទាត់តាមឃ្យូអរកូដ ក្នុងការទូទាត់ទំនិញ ផ្ទេរប្រាក់មិនអស់កម្រៃសេវា បញ្ចូលទឹកប្រាក់ទូរស័ព្ទ បង់ថ្លៃវិក្កយបត្រអគ្គិសនី ពិនិត្យមើលសមតុល្យគណនី និងរបាយការណ៍គណនីសង្ខេប ដាក់-ដកប្រាក់ បង់ប្រាក់ សំណើសុំឥណទាន និង ការបើកគណនីមានកាលកំណត់។ តើនឹងមានអ្វីដែលអស្ចារ្សប្លែកពី អេស៊ីលីដាម៉ូបាល សូមលោកអ្នករង់ចាំមើលនៅឆ្នាំ ២០២១ និងចូលរួមប្រើប្រាស់ទាំងអស់គ្នា។
ដំណឹងល្អ! អេស៊ីលីដាម៉ូបាលនឹងផ្ដល់ជម្រើសកាន់តែឆ្លាតវៃ ពិសេសឥតគិតថ្លៃចាប់ពីឆ្នាំ២០២១!
សូមបញ្ជាក់ថា គិតមកដល់ថ្ងៃទី ៣០ ខែវិច្ឆិកា ឆ្នាំ២០២០ ធនាគារអេស៊ីលីដាមានការិយាល័យ សរុប ២៦២ កន្លែងនៅទូទាំងប្រទេស ខណៈដែលចំនួនបុគ្គលិកសរុបមានដល់ទៅជាង ១ម៉ឺន២ពាន់នាក់។ ជាមួយគ្នានេះ ធនាគារអេស៊ីលីដា ក៏មានម៉ាស៊ីនអេធីអឹម សម្រាប់ដកប្រាក់ ដាក់ប្រាក់ នៅទូទាំងប្រទេស សរុប៧២២ ATM ម៉ាស៊ីនឆូតកាត មានដល់ទៅជិត ៤.៣០០ និង បណ្ណដកប្រាក់អេស៊ីលីដា មានដល់ទៅជាង ១លានបណ្ណ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
