តាមផែនការ ការសាងសង់រោងចក្រផលិតវ៉ាក់សាំងនេះ នឹងត្រូវចាប់ផ្ដើមឡើងនៅក្នុងឆ្នាំនេះ ហើយវានឹងអាចចាប់ផ្ដើមប្រតិបត្តិការណ៍នៅត្រឹមឆ្នាំ២០២៣។ នេះបើតាមការបញ្ជាក់របស់ក្រុមហ៊ុន BioNTech នៅក្នុងសេចក្ដីថ្លែងការណ៍របស់ខ្លួន។
នៅក្នុងគម្រោងផលិតកម្មវ៉ាក់សាំងនេះ ក្រុមហ៊ុននឹងអាចបង្កើនបណ្ដាញលទ្ធភាព និងពង្រីកសមត្ថភាពផលិតបន្ថែមទៀត ដើម្បីចែកចាយវ៉ាក់សាំងកូវីដ-១៩ និងវិធីព្យាបាល ទៅកាន់មនុស្សនៅជុំវិញពិភពលោក។
វ៉ាក់សាំងរបស់ដែលផលិតដោយក្រុមហ៊ុនអាល្លឺម៉ង់ BioNTech និងចូលរួមជាដៃគូដោយក្រុមហ៊ុនអាមេរិក Pfizer ត្រូវបានទទួលស្គាល់ឲ្យប្រើប្រាស់នៅក្នុងប្រទេសលោកខាងលិចតាំងពីចុងឆ្នាំមុនមកម្ល៉េះ ហើយវាក៏កំពុងត្រូវបានបញ្ជាទិញ និងប្រើប្រាស់នៅក្នុងប្រទេសតំបន់អាស៊ីនៅតំបន់អាស៊ីមួយចំនួនផងដែរ។
អត្ថបទទាក់ទង!
តួយ៉ាងមកទល់ពេលនេះ វ៉ាក់សាំង Pfizer នេះ កំពុងផ្គត់ផ្គង់ទៅកាន់ប្រទេសជាង៩០នៅទូទាំងពិភពលោក និងរំពឹងថា នឹងអាចសម្រេចបានការផលិតដល់ទៅ ៣ពាន់លានដូសនៅត្រឹមចុងឆ្នាំនេះ ហើយនៅឆ្នាំ២០២២ ក្រុមហ៊ុននេះ នឹងពន្លឿនការផលិតឲ្យបានកើនឡើងលើសនេះទៅទៀត៕
ការបង្កើនការផលិតវ៉ាក់សាំងកាន់តែច្រើនលើសលុបបែបនេះ ក៏ដោយសារតែតម្រូវការវ៉ាក់សាំងកូវីដ-១៩ កំពុងហក់ឡើងខ្លាំង ស្របពេលដែលឥណ្ឌា ដែលជាប្រទេសផលិតដ៏ធំរបស់ពិភពលោកនោះ កំពុងផុងខ្លួនកាន់តែជ្រៅទៅៗក្នុងវិបត្តិកូវីដ-១៩ ដែលធ្វើឲ្យរាំងស្ទះដល់ខ្សែចង្វាក់ផលិតវ៉ាក់សាំងសកលលោក៕
None
