គិតមកទល់ព្រឹកថ្ងៃទី ១៣ ខែមេសានេះ តួលេខ អ្នកឆ្លងថ្មី និងអ្នកជាសះស្បើយ គឺមិនមានការប្រែប្រួលអ្វីនោះទេ ពោលគឺ អ្នកឆ្លងសរុបនៅតែ១២២ ករណីដដែល ខណៈដែលអ្នកជាសះស្បើយ ក៏មិនមានកើនឡើងដែរ គឺនៅមានចំនួន ៧៧នាក់ ហើយករណីស្លាប់ដោយសារ Covid-19 ក៏គ្មានដែរ។
បើតាមការអះអាងរស់ នាយកដ្ឋានប្រយុទ្ធនឹងជំងឺឆ្លង បានគូសបញ្ជាក់ថា ខាងអាជ្ញាធរក៏មិនទាន់រកឃើញភ័ស្តុតាងជាក់ស្តែងបញ្ជាក់ថា មានការឆ្លងក្នុងសហគមន៍នៅឡើយទេ តែលទ្ធភាពនឹងអាចកើតមានឡើង ដូច្នេះប្រជាពលរដ្ឋបន្តប្រុងប្រយ័ត្នជាប់ជានិច្ច ដោយធ្វើអនាម័យ នៅឃ្លាតឆ្ងាយពីគ្នា មិនចេញក្រៅផ្ទះបើមិនចាំបាច់ ។
អត្ថបទទាក់ទង!
សូមបញ្ជាក់ថា តាមតួលេខ គិតមកទល់ព្រឹកថ្ងៃទី ១៣ ខែមេសា ឆ្នាំ ២០២០នេះ ចំនួន អ្នកឆ្លង Covid-19 នៅទូទាំងពិភពលោកមានការកើនឡើងដល់ទៅជាង ១,៨ លាននាក់ ក្នុងនោះ សហរដ្ឋអាមេរិកមានចំនួនអ្នកឆ្លងច្រើនជាងគេបង្អស់ ដែលមានជាង ៥៥ម៉ឺននាក់ ខណៈដែលអ្នកស្លាប់មានជាង២,២ម៉ឺននាក់។ បន្ទាប់មក គឺប្រទេសអេស្ប៉ាញ មានអ្នកឆ្លងជាង ១៦ម៉ឺននាក់, អ៊ីតាលី មានជាង ១៥ម៉ឺននាក់, បារាំង ជាង១៣ម៉ឺននាក់ និងអាល្លឺម៉ង់ មានជិត ១៣ម៉ឺននាក់៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
