Advertisement
Advertisement
Advertisement
ការចិញ្ចឹមត្រី

កសិដ្ឋានចិញ្ចឹមត្រីមួយកន្លែង គ្រោងនាំចេញត្រីនាគ និងបបែលក្នុងតម្លៃ ២លានដុល្លារទៅកាន់ប្រទេសចិននៅឆ្នាំ២០២១


កសិដ្ឋានមួយកន្លែង នៅក្នុងឃុំដីឥដ្ឋ ស្រុកកៀនស្វាយ ខេត្តកណ្ដាល ដែលកំពុងចិញ្ចឹមត្រីលម្អ ប្រភេទ ត្រីនាគ និងបបែល ដែលនាំចូលពូជពីប្រទេសចិន គ្រោងនឹងធ្វើការនាំចេញត្រី និងបបែលទាំងនេះ ទៅកាន់ប្រទេសចិនក្នុងតម្លៃប្រមាណ ២លានដុល្លារអាមេរិក។ នេះបើយោងតាមប្រភពព័ត៌មានពីក្រសួងកសិកម្មកម្ពុជា។
កសិដ្ឋានចិញ្ចឹមត្រីមួយកន្លែង គ្រោងនាំចេញត្រីនាគ និងបបែលក្នុងតម្លៃ ២លានដុល្លារទៅកាន់ប្រទេសចិននៅឆ្នាំ២០២១ (រូបភាព៖ ក្រសួងកសិកម្ម))
ដោយ
Advertisement

លោក Li Xuequn អ្នកគ្រប់គ្រង​ទូទៅ កសិដ្ឋាន First Aquatic Industrial បាន​លើកឡើង​នៅក្នុង​ជំនួប​ជាមួយនឹង​រដ្ឋមន្ត្រី​ក្រសួង​កសិកម្ម​ នាថ្ងៃទី ២១ ខែមករា ឆ្នាំ២០២១ថា កសិដ្ឋាន​នេះ បាន​ចាប់ផ្តើម​ដំណើរការ​នៅឆ្នាំ​២០១៧ ដោយចំណាយ​ទុន​វិនិយោគ​ចំនួន ៤លានដុល្លារ នេះ​មិនរួម បញ្ចូល​ការវិនិយោគ​លើការកសាង​ហេដ្ឋរចនា​សម័ន្ធ​សំខាន់ៗ​នោះទេ។

បច្ចុប្បន្ន​ កសិដ្ឋាន​នេះ មាន​ចិញ្ចឹមត្រីលម្អ (ត្រីនាគ) នាំពូជចូល​ពីប្រទេស​ចិន ត្រីបបែល​ទឹកសាប និងត្រីទឹកសាប​កម្ពុជា​ជាច្រើន​ប្រភេទទៀត ផងដែរ។ នៅឆ្នាំ​ដំបូងនេះ កសិដ្ឋានគ្រោង​នាំចេញ​ត្រីនាគ​ជាង ១០០០ក្បាល/ឆ្នាំ និងត្រីបបែល​ជាង ៥០០០ក្បាល/ឆ្នាំ ទៅកាន់​ទីផ្សារ​ប្រទេស​ចិន ដោយគិត​ក្នុងតម្លៃត្រីនាគ​ពេញវ័យ​លក់បាន ១០០០ដុល្លារ/ក្បាល និងត្រីបបែល ២០០ដុល្លារ/ក្បាល (តម្លៃអាស្រ័យ​លើប្រភេទពូជ ពណ៌ ទំហំ និងអាយុ)។ 

កសិដ្ឋានចិញ្ចឹមត្រីមួយកន្លែង គ្រោងនាំចេញត្រីនាគ និងបបែលក្នុងតម្លៃ ២លានដុល្លារទៅកាន់ប្រទេសចិននៅឆ្នាំ២០២១ (រូបភាព៖ ក្រសួងកសិកម្ម)

កសិដ្ឋាន ប្រើកម្មករ​សរុប ៥០នាក់ ក្នុងនោះមាន​អ្នកជំនាញ​ជលផល​ទាំងខ្មែរ និងចិន​ចំនួន ១០នាក់។

ឯកឧត្តម វេង សាខុន រដ្ឋមន្ត្រី​ក្រសួងកសិកម្ម​កម្ពុជា បាន​ថ្លែង​បានវាយតម្លៃខ្ពស់ចំពោះ​ក្រុមហ៊ុន​ដែលបានចុះ​ទុនវិនិយោគ​បង្កើតកសិដ្ឋាន​ចិញ្ចឹម​ត្រីលម្អ។ ឯកឧត្តមរដ្ឋមន្ត្រី បានណែនាំ​ឲ្យក្រុមហ៊ុន​ត្រៀមរៀបចំឯកសារ​បច្ចេកទេស​ពាក់ព័ន្ធ​ដល់ការចិញ្ចឹម សម្រាប់​ឈានទៅដល់​ការរៀបចំ​ពិធីសារនាំចេញ​ត្រីលម្អទៅ​កាន់ប្រទេស​ចិន ដោយត្រូវ​សហការ​ជាមួយរដ្ឋបាល​ជលផល​កម្ពុជា ធ្វើការទំនាក់ទំនង​ជាមួយអគ្គរដ្ឋបាល​គយចិន ស្នើសុំបែបបទ ឬលក្ខខណ្ឌ​តម្រូវចាំបាច់​នានាពី​ភាគី​ចិន​ជាជំហានបឋម ដើម្បីឲ្យដំណើរការ​នាំចេញ​នាពេលខាងមុខ​ប្រព្រឹត្តទៅ​ដោយរលូន ចៀសវាង​ការកកស្ទះ​ផលិតផល ដែលកសិដ្ឋាន​ចិញ្ចឹមបាន។

កសិដ្ឋានចិញ្ចឹមត្រីមួយកន្លែង គ្រោងនាំចេញត្រីនាគ និងបបែលក្នុងតម្លៃ ២លានដុល្លារទៅកាន់ប្រទេសចិននៅឆ្នាំ២០២១ (រូបភាព៖ ក្រសួងកសិកម្ម)
កសិដ្ឋានចិញ្ចឹមត្រីមួយកន្លែង គ្រោងនាំចេញត្រីនាគ និងបបែលក្នុងតម្លៃ ២លានដុល្លារទៅកាន់ប្រទេសចិននៅឆ្នាំ២០២១ (រូបភាព៖ ក្រសួងកសិកម្ម)
កសិដ្ឋានចិញ្ចឹមត្រីមួយកន្លែង គ្រោងនាំចេញត្រីនាគ និងបបែលក្នុងតម្លៃ ២លានដុល្លារទៅកាន់ប្រទេសចិននៅឆ្នាំ២០២១ (រូបភាព៖ ក្រសួងកសិកម្ម)
កសិដ្ឋានចិញ្ចឹមត្រីមួយកន្លែង គ្រោងនាំចេញត្រីនាគ និងបបែលក្នុងតម្លៃ ២លានដុល្លារទៅកាន់ប្រទេសចិននៅឆ្នាំ២០២១ (រូបភាព៖ ក្រសួងកសិកម្ម)
Advertisement
© 2021 រក្សាសិទ្ធិ​គ្រប់​បែប​យ៉ាង​ដោយ ខេមបូណូមីស។ សម្រាប់​ការ​ប្រើ​ប្រាស់ ឬ​ផ្សាយ​បន្ត សូមទាក់ទង​មក អ៊ីម៉េល sothea[at]cambonomist.com ឬទូរស័ព្ទលេខ​ 089 777 076។



អត្ថបទបន្ទាប់


ក្រុមហ៊ុនទូរគមនាគមន៍យក្សៗរបស់ចិន៣ស្នើផ្សារភាគហ៊ុនអាមេរិកកុំឲ្យលុបឈ្មោះចេញពីបញ្ជី

ព័ត៌មាន
ក្រោយពេលលោកត្រាំ ត្រូវដើរចេញពីកៅអីប្រធានាធិបតីអាមេរិកភ្លាម ក្រុមហ៊ុនទូរគមនាគមន៍យក្សៗរបស់ចិនចំនួន៣ នៅថ្ងៃទី ២១ ខែមករា ឆ្នាំ២០២០ បានស្...

រដ្ឋាភិបាលកំពុងពិចារណាស្នើសុំនិងទិញវ៉ាក់សាំងកូវីដ-១៩បន្ថែមពីប្រទេសដទៃបន្ទាប់ពីចិន

ព័ត៌មាន
រាជរដ្ឋាភិបាលកម្ពុជាកំពុងពិចារណាស្នើសុំ និងទិញវ៉ាក់សំាងប្រឆាំងកូវីដ១៩ពីប្រទេសផ្សេងទៀតក្រៅតែពីវ៉ាក់សាំងដែលទទួលបានពីប្រទេសចិន។ នេះបើ...
ច្រើនទៀត

អត្ថបទស្រដៀង


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ