ការនាំចេញរបស់វៀតណាមទៅកាន់អាមេរិក កើនឡើង ៥០% ក្នុង៤ខែដើមឆ្នាំនេះ
ការនាំចេញរបស់ប្រទេសវៀតណាមទៅកាន់សហរដ្ឋអាមេរិក ដែលជាទីផ្សារនាំចេញធំបំផុតទីមួយរបស់វៀតណាម សម្រាប់ពីខែមករា ដល់ខែមេសា ឆ្នាំ២០២១នេះ …
សេចក្តីប្រកាសព័ត៌មានរបស់ក្រសួងសុខាភិបាលបានឲ្យដឹងថា ក្នុងចំណោមអ្នកវិជ្ជមានកូវីដ១៩ទាំង ៣៨៨នាក់នោះ មានករណីចម្លងក្នុងសហគមន៍នៃ «ព្រឹត្តិការណ៍២០កុម្ភៈ» ចំនួន៣៨៧នាក់ រីឯ១ករណីទៀតជាអ្នកដំណើរពីបរទេស ស្របដែលអ្នកជាសះស្បើយមានចំនួន ៤៨នាក់ ដែលតម្រូវឲ្យចេញពីមន្ទីរពេទ្យ ហើយបន្តធ្វើចត្តាឡីស័កនៅផ្ទះ១៤ថ្ងៃបន្ថែមទៀតដោយខ្លួនឯង។
សម្រាប់អ្នកវិជ្ជមានករណីសហគមន៍ទាំង ៣៨៧នាក់ រួមមាន រាជធានីភ្នំពេញ ៣៣១ករណី - បន្ទាយមានជ័យ - ៣៥ករណី - ព្រៃវែង - ៨ករណី - កណ្ដាល ៤ករណី - កំពង់ស្ពឺ ៣ករណី - តាកែវ ២ករណី - កំពង់ចាម - ២ករណី - សៀមរាប ១ករណី និង ស្វាយរៀង ១ករណី។
នៅក្នុងសេចក្តីប្រកាសព័ត៌មានដោយឡែកមួយទៀតរបស់ក្រសួងសុខាភិបាល ចេញផ្សាយក្នុងថ្ងៃនេះដដែលបានគូសបញ្ជាក់ថា មានអ្នកជំងឺកូវីដ០៣នាក់ទៀត បានស្លាប់បាត់បង់ជីវិតដោយសារកូវីដ-១៩ ក្នុងនោះមាន បុរសឣាយុ ៦១ឆ្នាំ ស្រ្តីឣាយុ ៦៧ឆ្នាំ និងស្រ្តីឣាយុ ៧៦ឆ្នាំ។
សូមបញ្ជាក់ថា គិតត្រឹមថ្ងៃទី០១ ខែឧសភា ឆ្នាំ២០២១ កម្ពុជាបានរកឃើញអ្នកឆ្លងកូវីដ១៩ សរុបចំនួន ១៣ ៧៩០ នាក់ហើយ ក្នុងនោះអ្នកជាសះស្បើយចំនួន ៥២០០ នាក់, អ្នកកំពុងសម្រាកព្យាបាលជំងឺ ចំនួន ៨៤៨៧នាក់ និងស្លាប់បាត់បង់ជីវិតចំនួន៩៦នាក់៕
None
