គម្រោងជួយសម្រួលការធ្វើដំណើរចូលប្រទេសចិននេះ ត្រូវបានគេមើលឃើញថា ជាពន្លឺមួយ ដែលនឹងអាចឈានទៅបើកទ្វារប្រទេសចិនសម្រាប់លំហូរទេសចរឡើងវិញ ខណៈដែលប្រទេសជាច្រើនកំពុងទន្ទឹងរង់ចាំយ៉ាងអន្ទះសារក្នុងការទទួលភ្ញៀវទេសចរជនជាតិចិនសម្រាប់ស្ដារវិស័យទេសចរណ៍របស់ពួកគេ។ នេះបើតាមការរាយការណ៍ដោយសារព័ត៌មានអន្តរជាតិធំៗជាច្រើន។
ប្រទេសចិន បានសម្រេចបិទព្រំដែនចេញចូលទាំងអស់សម្រាប់ជនបរទេស ចាប់តាំងពីការរាតត្បាតជំងឺកូវីត១៩ ក្នុងឆ្នាំ ២០២០ រហូតមកដល់នឹងពេលនេះ ដោយមានតែជនបរទេសដែលមានទិដ្ឋាការការងារជាក់លាក់មួយចំនួនប៉ុណ្ណោះ ទើបអនុញ្ញាតឲ្យចូលក្នុងប្រទេសចិនបាន។
ប៉ុន្ដែ ក្នុងរយៈពេលប៉ុន្មានខែថ្មីៗនេះ ការរឹតបន្ដឹងថានេះ ត្រូវបានបន្ធូរបន្ថយជាបណ្តើរៗមកវិញ ដោយទីក្រុងប៉េកាំងមានការបើកដំណើរការជើងហោះហើរត្រង់ទៅមកប្រទេសចិនកាន់តែច្រើនឡើងគួរឲ្យគត់សម្គាល់ ព្រមទាំងការអនុញ្ញាតនិស្សិតបរទេសមានការស្នាក់នៅប្រទេសចិន ក៏ដូចជារយៈពេលនៃការដាក់ឲ្យនៅឡែកសម្រាប់ជនបរទេស ក៏មានការកាត់បន្ថយផងដែរ។
អត្ថបទគួរអាន
គួរជម្រាបថា ប្រទេសចិនមានព្រំប្រទល់ជាប់ជាមួយប្រទេសជាង១០ រួមមាន រុស្ស៊ី ម៉ុងហ្គោលី មីយ៉ាន់ម៉ា ឡាវ វៀតណាម និងប្រទេសផ្សេងទៀត។ កន្លងមកេះ ទីក្រុងនានារបស់ចិន នៅតាមព្រំដែនតែងតែរងការវាយប្រហារម្តងហើយម្តងទៀតនៃករណីឆ្លងចូលប្រទេសនៃមេរោគកូវីដ១៩ ទាំងតាមរយៈជនជាតិចិន និងបរទេស បើទោះបីជាមានវិធានការរឹតត្បិតខ្លាំងយ៉ាងណាក្ដី។
លោក Yang Jinsong ប្រធានវិទ្យាស្ថានទេសចរណ៍អន្តរជាតិប្រចាំនៅបណ្ឌិតសភាទេសចរណ៍ចិន ដែលជាវិទ្យាស្ថាននៃក្រុមអ្នកស្រាវជ្រាវចិនបាននិយាយថា តាមទស្សនរបស់លោក វិស័យទេសចរណ៍ឆ្លងកាត់ព្រំប្រទល់នៃប្រទេសចិននឹងមានការងើបឡើងវិញ បើទោះបីជាមិនអាចទាយទុកមុនថា នៅពេលណាក៏ដោយចុះ ដ្បិតថាវាអាស្រ័យទៅនឹងស្ថានភាពជំងឺកូវីដ បូករួមនឹងប្រសិទ្ធផលនៃវិធានការគ្រប់គ្រងកូវីដ។ កត្តាទាំងនេះហើយ បានធ្វើឲ្យនាយកដ្ឋាននៃក្រសួងទេសចរណ៍ចិន មិនទាន់ហ៊ានសម្រេចបើកព្រំដែនឲ្យដូចធម្មតាវិញបាននៅឡើយទេ៕
