ឯកឧត្តម សុខ ចិន្តាសោភា អគ្គលេខាធិការក្រុមប្រឹក្សាអភិវឌ្ឍន៍កម្ពុជាបានឲ្យដឹងថា ក្នុងបរិបទនៃភាពតានតឹងផ្នែកពាណិជ្ជកម្មនេះ ត្រូវបានក្រុមប្រទេសទាំងអស់ស្ថិតនៅក្នុងតំបន់ទន្លេមេគង្គបានសម្រេចឯកភាពគ្នាផងដែរ ក្នុងការជំរុញគាំទ្រឲ្យមានកិច្ចព្រមព្រៀងពហុភាគីឲ្យដំណើរការឡើងវិញ។ ប៉ុន្តែ ដោយសារតែបញ្ហាជាប់គាំងមិនទៅមុខរបស់អង្គការពាណិជ្ជកម្មពិភពលោក ទើបក្រុមប្រទេស ជាសមាជិកយល់ឃើញថា បើសិនជាកិច្ចព្រមព្រៀងពហុភាគីមិនដំណើរការនោះ នឹងសម្រេចគ្នាធ្វើការចរចាជាទ្វេភាគីវិញម្តង ជាឧទាហរណ៍ កម្ពុជាខ្លួនឯងក៏បានត្រៀមខ្លួនរួចហើយ ដើម្បីចរចាកិច្ចព្រមព្រៀងពាណិជ្ជកម្មសេរីជាមួយចិន។
អត្ថបទទាក់ទង!
របាយការណ៍ពីអគ្គនាយកដ្ឋានគយ និងរដ្ឋាករ គិតត្រឹម៩ខែ ដំបូងនៅឆ្នាំ២០១៩នេះ ប្រទេសកម្ពុជាសម្រេចបានទំហំពាណិជ្ជកម្មជាមួយបរទេស ប្រមាណ ២៦,២ពាន់លានដុល្លារ។ ក្នុងនោះ កម្ពុជានាំចេញបានប្រមាណ ១១,២ពាន់លានដុល្លារអាមេរិក និងនាំចូលមកវិញ ប្រមាណ ១៥ពាន់លានដុល្លារអាមេរិក។
ទន្ទឹមនឹងនេះ បើនិយាយតែពីទីផ្សារចិន គឺមានចំណែកទីផ្សារតែប្រមាណ ៧% ប៉ុណ្ណោះ នៃការនាំចេញសរុបរបស់កម្ពុជា ប៉ុន្ដែ បើក្រឡេកទៅមើលការនាំចូលវិញ ប្រទេសចិន គឺជាប្រទេសនាំចូលធំបំផុតមកកាន់កម្ពុជា ដែលមានចំណែកទីផ្សារ ៣៩% នៃការនាំចូលសរុបរបស់កម្ពុជា៕
None
