ដោយឡែក ការនាំចេញរបស់កម្ពុជាទៅកាន់ប្រទេសវៀតណាមវិញ បីខែដំបូងដូចគ្នា បានធ្លាក់ចុះរហូតដល់ទៅ ២៤% ឯណោះ គិតជាទឹកប្រាក់មានតែ ៣៣៥លានដុល្លារ។ នេះបើយោងតាមការចេញផ្សាយរបស់អគ្គនាយកដ្ឋានគយរបស់ប្រទេសថៃ និង ប្រទេសវៀតណាមទើបតែបញ្ចេញរបាយការណ៍ថ្មីៗនេះ។
បើគិតពីការនាំចូលទំនិញផ្សេងៗពីថៃមកកម្ពុជាវិញគឺនូវតែរក្សាកំណើនខ្ពស់ដដែល ក្នុងរយៈពេល៣ខែដើមឆ្នាំនេះ កើនជិត១០% មានទឹកប្រាក់ ប្រមាណជាង ១ពាន់៧០០លានដុល្លារ ខណៈដែលក្នុងរយៈពេលដូចគ្នាឆ្នាំមុន មានទឹកប្រាក់ត្រឹមតែជាង១ពាន់ ៥០០ ពាន់លានដុល្លារអាមេរិកប៉ុណ្ណោះ។
តើអ្នកបានអានអត្ថបទនេះហើយ ឬ នៅ?
កម្ពុជា និងថៃ កំពុងតែសម្រួចផែនការយុទ្ធសាស្ត្រ ដើម្បីសម្រេចគោលដៅពាណិជ្ជកម្មទ្វេភាគីរវាងប្រទេសទាំងពីរឲ្យកើនឡើងដល់ ១៥ពាន់លានដុល្លារត្រឹមឆ្នាំ២០២០ ខណៈឆ្នាំមុននេះ ទំហំពាណិជ្ជកម្មរវាងប្រទេសទំាងមាន ជាង៦ពាន់លានដុល្លារ។
និយាយពីវៀតណាមវិញម្តង ការនាំចេញទំនិញរបស់កម្ពុជាទៅកាន់វៀតណាមក្នុងរយៈពេលបីខែដើមឆ្នាំនេះមានជាង៣៣៥លានដុល្លារ ដែលក្នុងនោះផលិតផលសំខាន់ដែលកម្ពុជានាំចេញទៅកាន់វៀតណាមរូមមានគ្រាប់ស្វាយចន្ទីទំហំទឹកប្រាក់ប្រមាណ៩៩លានដុល្លា កៅស៊ូ២៨លានដុល្លា ផលិតផលដែលធ្វើពីឈើប្រមាណ៤២លានដុល្លាសហរដ្ឋអាមេរិក។
តើអ្នកបានអានអត្ថបទនេះហើយ ឬនៅ?
ការនាំចូលទំនិញផ្សេងៗពី វៀតណាមមកកម្ពុជា ហាក់ដូចជាការកើនឡើងខ្លាំងដដែល។ ខ្លាំងដោយសារវៀតណាមបានជំរុញការនាំចេញទំនិញសំខាន់ៗ ដែលកម្ពុជាត្រូវការចំាបាច់ដូចជាច្រើន ប្រេងឥន្ធនៈ ប្រមាណ ១០៨លានដុល្លារ ចំណីសត្វ ប្រមាណ ២២លានដុល្លារ ជី កសិកម្ម ២៦លានដុល្លារ និង ផលិតផលគីមីប្រមាណ១៥លានដុល្លារ។
សរុបជារួម គ្រាន់តែរយៈបីខែដើមឆ្នាំនេះ វៀតណាមនាំចេញទំនិញមកកម្ពុជា និង ដែលទាញយកលុយពីកម្ពុជាជាង ៨៣៧លានដុល្លារ កើនឡើងជាង៣០% ។
តើអ្នកបានអានអត្ថបទនេះហើយឬនៅ?
គួរបញ្ជាក់ថាទំហំពាណិជ្ជកម្មទ្វេភាគីរវាងកម្ពុជា និង វៀតណាម កាលពីឆ្នាំ២០១៧កន្លងទៅនេះមានទំហំទឺកប្រាក់ប្រមាណជាង៣ពាន់លានដុល្លា។
ប្រទេសកម្ពុជាគឺជាគោលដៅទីផ្សារដ៏សំខាន់មួយនៅក្នុងតំបន់អាស៊ាន ដែលវៀតណាម និង ថៃ បានបាញ់តម្រង់ទិសដៅ នាំចេញទំនិញផ្សេងៗជាច្រើន របស់ខ្លួន មកកាន់ទីផ្សារកម្ពុជា ខណៈដែលកម្ពុជានៅមិនទាន់មានទំនិញសំបូរបែប ធ្វើការនាំចេញទៅកាន់ទីផ្សារអន្តរជាតិនៅឡើយ៕
None
