គណៈកម្មការសេវាហិរញ្ញវត្ថុ (FSC) របស់ កូរ៉េខាងត្បូង បានប្រកាសពី វិធានការមួយកញ្ចប់ ក្នុងបំណងយកឈ្នះលើការធ្លាក់ចុះយ៉ាងខ្លាំងនៃការនាំចេញរបស់កូរ៉េខាងត្បូង រហូត ដល់ ជាង ១៦ % មក នៅ ត្រឹម ជាង ៥០ ពាន់លានដុល្លារក្នុងខែកក្កដាឆ្នាំ នេះ ដែល ជា ការ ធ្លាក់ ចុះ១០ខែជាប់ៗ គ្នា ហើយភាគ ច្រើន គឺ ដោយ សារ តម្រូវ ការ គ្រឿង អេឡិចត្រូនិកចុះ ខ្សោយ និង ការ ធ្លាក់ ចុះ សេដ្ឋកិច្ច ពិភពលោក។
សេចក្តីប្រកាសនេះបាន ធ្វើឡើងស្របតាមផែនការរបស់រដ្ឋាភិបាលក្នុងការជំរុញការប្រកួតប្រជែង នៃ ការ នាំចេញរបស់ ឧស្សាហកម្មធំៗចំនួន៨រួមទាំង គ្រឿងអេឡិចត្រូនិក គ្រឿង តាំង បង្ហាញ អាគុយរថ យន្ត និងរថយន្តអគ្គិសនី និង ដើម្បី ទទួល បាន កិច្ចសន្យាក្រៅប្រទេសក្នុងវិស័យចំនួន១២រួមទាំងថាម ពល នុយក្លេអ៊ែរ អាវុធ សំណង់ក្រៅប្រទេស និងកសិកម្ម ។
រដ្ឋាភិបាលកូរ៉េខាងត្បូង និងស្ថាប័ន ផ្តល់ កម្ចី តាម គោល នយោបាយមួយ ចំនួន បាននិង កំពុង បញ្ចេញ ជំនួយ ហិរញ្ញ វត្ថុ សរុបចំនួន ជិត ២០ ពាន់ លានដុល្លារ ដល់ វិស័យ នាំ ចេញ នៅ ឆ្នាំ នេះ។
អត្ថបទគួរអាន
នៅក្រោមវិធានការថ្មីទាំង នេះ អាជ្ញាធរហិរញ្ញវត្ថុនឹងចាក់បន្ថែមជំនួយហិរញ្ញវត្ថុចំនួនជាង ២ពាន់ លាន ដុល្លារ ចូល ទៅក្នុងក្រុមហ៊ុនដែលកំពុងធ្វើការនាំ ចូល ទៅ ប្រទេសថ្មីៗ ទៀត និង ជំនួយយ៉ាងតិចជាង ២២៤ លាន ដុល្លារ ដល់ក្រុមហ៊ុនដែលឈ្នះគម្រោងអាជីវកម្មធំៗ ក្រៅប្រទេស នៅចុងឆ្នាំនេះ ព្រម ទាំង បង្កើតមូលនិធិចំនួនជាង ៣៧៣ លានដុល្លារ ដើម្បីឆ្លើយតបនឹងបញ្ហាខ្សែចង្វាក់ផ្គត់ផ្គង់ និង ការរឹតបន្តឹងពាណិជ្ជកម្មនៅត្រីមាសទី៣នៃឆ្នាំ ២០២៤ ផងដែរ ។
ដើម្បីបង្កើនការ ប្រកួតប្រជែង ឧស្សាហកម្មនាំចេញជាយុទ្ធសាស្រ្ត រដ្ឋាភិបាល កូរ៉េ ក៏នឹងត្រូវ ចំណាយ ថវិកា ចំនួន ជាង ៨ពាន់លានដុល្លារ រួមទាំង ថវិកា ជិត៤ពាន់លានដុល្លារ សម្រាប់ឧស្សាហកម្មបន្ទះឈីប និងជាង១ ពាន់លានដុល្លារ សម្រាប់ឧស្សាហកម្ម អាគុយ ជីវៈ និងថាមពលនុយក្លេអ៊ែរ ផងដែរ ។
ធនាគារពាណិជ្ជក្នុងស្រុកកំពូលៗ ទាំង៥នៅ កូរ៉េ ខាង ត្បូង នឹងបង្កើត កម្ចីចំនួនជាង ៤ ពាន់លានដុល្លារ សម្រាប់ក្រុម ហ៊ុន នាំចេញ ក្នុងលក្ខខណ្ឌ ចំណាយ លើ ខ្ចីទាប។
គណៈកម្មការ សេវា ហិរញ្ញ វត្ថុ ក៏បាននិយាយដែរ ថា ខ្លួននឹងធ្វើការដើម្បីជួយ សម្រាលដល់ ការលំបាកផ្សេងៗដែលក្រុមហ៊ុននាំចេញ កំពុង ប្រឈមមុខ ដូចជាការទូទាត់ បង់ បំណុល ប្រចាំ ខែ និងការប្រែប្រួល នៃការ ផ្លាស់ប្តូររូបិយប័ណ្ណ ។
គណៈកម្មការ នេះ បាននិយាយថា ជាមួយនឹងការផ្គត់ផ្គង់ហិរញ្ញវត្ថុសម្រាប់ ការ នាំចេញ បាន គ្រប់ គ្រាន់ និងការកាត់បន្ថយសម្ពាធដើម្បីទទួលបានជំនួយផ្នែកហិរញ្ញវត្ថុ ដូច្នេះ ហើយ គណៈកម្មការ នេះ រំពឹងថា ក្រុមហ៊ុន នឹងអាច ស្តារកម្រិតនៃការនាំចេញរបស់ពួកគេ និង ពង្រឹងការប្រកួតប្រជែងរបស់ពួកគេ ពី រយៈ ពេលមធ្យមទៅរយៈ ពេល វែង៕
