ព្រះចៅស៊ុលតង់របស់ម៉ាឡេស៊ីថា អគារខ្ពស់ៗគ្មានន័យទេ បើមនុស្សនៅតែជាប់ក្នុងភាពក្រីក្រ

ព្រះចៅស៊ុលតង់ ណាសរីន បានមានបន្ទូលនៅពេលបើកកិច្ចប្រជុំលើកទី២នៃសភាជាតិ ផេរ៉ាក លើក១៥ កាលពីថ្ងៃសុក្សសប្ដាហ៍មុនថា ការប្ដេជ្ញាចិត្តដើម្បីលុបបំបាត់ភាពក្រីក្រត្រូវតែរក្សាល្បឿនឱ្យបានខ្ជាប់ខ្ជួន ព្រោះការកាត់បន្ថយភាពក្រីក្រ គឺជារឿងចាំបាច់ដែលត្រូវធ្វើដើម្បីធានាបាននូវសុខុមាលភាពសង្គមរបស់ប្រជាពលរដ្ឋម៉ាឡេស៊ីទាំងអស់។ ដើម្បីបន្តលើកកម្ពស់វិបុលភាព ស្ដេចស៊ុលតង់ មានបន្ទូលថា វាពិតជាសំខាន់ណាស់ក្នុងការទទួលស្គាល់ពីតំណភ្ជាប់គ្នាយ៉ាងស៊ីជម្រៅរវាងទំនាក់ទំនងសុខាភិបាល និងកត្តាកំណត់សង្គមពីសុខាភិបាលដែលជះឥទ្ធិពលយ៉ាងជ្រាលជ្រៅដល់សុខុមាលភាពទូទៅរបស់ប្រជាជន។

ស្ដេចស៊ុលតង់ទ្រង់បានបញ្ជាក់ថា ការអប់រំ គឺជាមូលដ្ឋានគ្រឹះក្នុងការលើកកម្ពស់សុខាភិបាលល្អ ព្រោះវាបានផ្តល់អំណាចដល់បុគ្គលម្នាក់ៗក្នុងការជ្រើសរើសសុខាភិបាលតាមការយល់ដឹងរបស់ពួកគេ និងរួមចំណែកយ៉ាងសំខាន់ក្នុងការអភិវឌ្ឍប្រទេសជាតិ។ ម្យ៉ាងទៀតការអប់រំបានដើរតួនាទីយ៉ាងសំខាន់ក្នុងការរៀបចំជាថ្មីនូវទិដ្ឋភាពនៃភាពក្រីក្រតាមរយៈការលើកស្ទួយពលរដ្ឋចេញពីវដ្ដនៃភាពក្រីក្រ និងកែលម្អគុណភាពជីវិតរបស់ពួកគេ។

ការប្រឹងប្រែងលុបបំបាត់ភាពក្រីក្រដឹកនាំដោយរដ្ឋាភិបាលបាននាំមកនូវក្តីសង្ឃឹមដ៏ភ្លឺស្វាងដោយចំនួនគ្រួសារសរុបនៃភាពក្រីក្រខ្លាំងបានកាត់បន្ថយចំនួន៥៨%មកនៅត្រឹមជិត៤ពាន់គ្រួសារគិតត្រឹមថ្ងៃទី៣១ ខែធ្នូ ឆ្នាំ២០២៣ ពោលគឺធ្លាក់ចុះពីចំនួនជាង៩ពាន់គ្រួសារនៅក្នុងខែមករា ឆ្នាំដដែលនោះ៕

អត្ថបទ៖ សុខ ជា