សារព័ត៌មាន The Nation Thailand បានរាយការណ៍ថា គណៈរដ្ឋមន្ត្រីថៃ បានសម្រេចចិត្ត រុញឲ្យក្រុមហ៊ុនអាកាសចរណ៍ Thai Airways ចូលទៅក្នុងនីតិវិធីដាក់ប្រកាសក្ស័យធន ក្រោមច្បាប់ក្ស័យធន BE2483 (AD1940) ហើយបានបង្គាប់ឲ្យក្រសួងហិរញ្ញវត្ថុ លក់ចំណែកភាគហ៊ុនធំរបស់ខ្លួនដែលមាននៅក្នុងក្រុមហ៊ុននេះ។
ក្រុមហ៊ិនអាកាសចរណ៍ Thai Airways នឹងបញ្ឈប់ការសងបំណុល ហើយនឹងចាប់ផ្ដើមកសាងក្រុមហ៊ុនពីចំណុចសូន្រឡើងវិញ។ នេះបើតាមការបញ្ជាក់របស់រាជរដ្ឋាភិបាលថៃ។
អត្ថបទទាក់ទង!
យោងតាមទំហំបំណុលរបស់ក្រុមហ៊ុននេះ មាន ៣០% នៃបុគ្គលិកសរុប ២ម៉ឺននាក់ ឬស្មើនឹងចំនួនបុគ្គលិកជាង ៦ពាន់នាក់ នឹងត្រូវបញ្ឈប់ពីការងារ ហើយពួកគេទាំងជាង ៦ពាន់នាក់នោះ នឹងទទួលបានប្រាក់សំណងជាប្រាក់ខែរយៈពេល ១០ខែ តាមច្បាប់ការងារ។
ការស្ដារនីតិសម្បទារបស់ក្រុមហ៊ុន Thai Airways ត្រូវការអនុម័តដោយម្ចាស់បំណុល ហើយវាទំនងជាត្រូវការពេលវេលាយ៉ាងហោចណាស់មួយឆ្នាំ។ នេះបើតាមការអះអាងរបស់ប្រភពព័ត៌មាន The Nation Thailand៕
None
