Advertisement
Advertisement
Advertisement
SME ថៃ

ថៃ បញ្ចេញកញ្ចប់ថវិកាប្រចាំឆ្នាំ ៤០លានដុល្លារ សម្រាប់វិស័យ SME នៅឆ្នាំនេះ


នៅឆ្នាំ ២០១៩ នេះ រាជរដ្ឋាភិបាលថៃ បានកំណត់បែងចែកកញ្ចប់ថវិកាប្រចាំឆ្នាំ ប្រមាណ ជាង ១.២០០ លានបាត ឬស្មើនឹងប្រមាណ ៤០លានដុល្លារអាមេរិក សម្រាប់ការអភិវឌ្ឍ និងបង្កើនប្រសិទ្ធភាព របស់វិស័យសហគ្រាសធុនតូច និងមធ្យម (SME) និងអាជីវកម្មបង្កើតថ្មីៗ។ កញ្ចប់ថវិកាសម្រាប់ឆ្នាំនេះ គឺមានការកើនឡើងតិចតួចប៉ុណ្ណោះ ធៀបនឹងឆ្នាំមុន ពោលគឺមានកំណើនប្រមាណតែជាង ១% ប៉ុណ្ណោះ។ នេះបើតាម ការឲ្យដឹងពី ការិយាល័យលើកកម្ពស់សហគ្រាសធុនតូច និងមធ្យមរបស់ថៃ។
ថៃ បញ្ចេញកញ្ចប់ថវិកាប្រចាំឆ្នាំ ៤០លានដុល្លារ សម្រាប់វិស័យ SME នៅឆ្នាំនេះ (https://forum.thaivisa.com)
ដោយ
Advertisement

ត្រូវបានស្រង់​សម្ដីដោយ​​សារព័ត៌មាន​​ក្នុង​ស្រុក​ថៃ បាងកកប៉ុស្ដិ៍ លោក សុវណ្ណឆៃ ឡូហាវ៉ាត់​ ថាណាកុល អគ្គនាយក​​ ការិយាល័យ​​លើក​កម្ពស់ ​សហគ្រាស​ធុនតូច និងមធ្យម​ របស់ថៃ បានឲ្យ​ដឹងថា បើធៀបនឹង​​កញ្ចប់ថវិកា កាលពីឆ្នាំ ២០១៨ ​ដែល​រដ្ឋ​ថៃ ជួយដល់​វិស័យ SME ឃើញថា នៅឆ្នាំនេះ ថវិកា​មាន​​ច្រើន​ជាង​ឆ្នាំ​មុន ប្រមាណ តែ ១,២% ប៉ុណ្ណោះ។ លោក សុវណ្ណឆៃ បន្ថែមទៀតថា ថវិកាទាំងនេះ នឹងត្រូវ​ប្រើប្រាស់ ​សម្រាប់​គាំទ្រ​​ដល់​កម្មវិធី សម្រាប់​​វិស័យ​ SME និងអាជីវកម្ម​​បង្កើត​ឡើងថ្មីៗ។

លើសពីនេះទៀត កញ្ចប់​ថវិកា​ប្រមាណ ៤០លាន​ដុល្លារ​អាមេរិក​នេះ នឹងត្រូវ​​ប្រើប្រាស់​​ជា​សំខាន់​​លើ​ការអភិវឌ្ឍ​​សហគ្រាស​ធុនតូច និងមធ្យម​​នៅភាគ​ខាង​​ជើង​ឈៀង​ខាងកើត​​ប្រទេសថៃ  ដែលគ្រប​ដណ្ដប់​​លើវិស័យ​​ជាច្រើន​ដូចជា ការផលិត​​កំណាត់ កសិកម្ម ម្ហូបអាហារ និងការវេចខ្ចប់ជាដើម។

តាម​ការ​រំពឹង​ទុក របស់​​ការិយាល័យ​​​លើក​កម្ពស់​​សហគ្រាស​​ធុនតូច និងមធ្យម វិស័យ SME នឹង​ជំរុញដល់​កំណើន​​សេដ្ឋកិច្ច​ថៃ នឹងកើនដល់ ១ទ្រីលាន​បាត​ ឬស្មើនឹង​ប្រមាណ ៣២ ពាន់លាន​ដុល្លារ​អាមេរិក​ ជាមួយ​នឹង​កំណើន ​៥%។

តាមប្រភព​ព័ត៌មាន​​ក្នុង​ស្រុក​ថៃ បានឲ្យដឹងថា ប្រទេសថៃ មានសហគ្រាស​ធុនតូច និងមធ្យម​​ចំនួន​ ៣លាន​ សហគ្រាស ដែល​ក្នុងនោះ រួមបញ្ចូល​ទាំង​សហគ្រាស​​សហគមន៍​ផងដែរ។

ក្នុង​ចំណោមនោះ មាន​៧០ម៉ឺន សហគ្រាស បាន​ចុះ​ឈ្មោះ ស្ថិតក្រោម​​ប្រព័ន្ធ​​ពន្ធ​សាជីវកម្ម  ខណៈដែល​ជាង​ ​២,៣លាន សហគ្រាស​ទៀត គឺជា​ក្រុមហ៊ុន​​ខ្នាតតូចៗ​នៅឡើយ។

បើតាម​​ការ​បញ្ជាក់​ពី មន្ត្រី​រាជ​រដ្ឋាភិបាល​ថៃ មាន​សហគ្រាស​​ប្រមាណ ៣០ម៉ឺន ទៅ៤០ម៉ឺន សហគ្រាស ​ស្ថិតនៅ​ក្រោម​ប្រព័ន្ធ​ពន្ធ​​របស់ប្រទេសនេះ ហើយ​​គេសង្កេត​ឃើញថា សហគ្រាស​ទាំងនោះ គឺមាន​ការ​​លូតលាស់ល្អ រឹងមាំ​គ្រប់គ្រាន់​​ក្នុងការ​​​ដំណើរការ​​អាជីវកម្ម​​បាន​ដោយខ្លួនឯង៕

Advertisement
© 2020 រក្សាសិទ្ធិ​គ្រប់​បែប​យ៉ាង​ដោយ ខេមបូណូមីស។ សម្រាប់​ការ​ប្រើ​ប្រាស់ ឬ​ផ្សាយ​បន្ត សូមទាក់ទង​មក អ៊ីម៉េល sothea[at]cambonomist.com ឬទូរស័ព្ទលេខ​ 089 777 076។



អត្ថបទបន្ទាប់


មហិច្ឆតា​ផ្សារម៉ាក្រូថៃ គ្រោង​នឹង​ពង្រីក​អាជីវកម្ម​សាខា ៨-៩ ទីតាំង​បន្ថែម​ទៀត​ឆាប់ៗ​នេះ

ព័ត៌មាន
ក្រុមហ៊ុន​ស្យ៉ាម​ម៉ាក្រូ​របស់​ថៃ ដែល​ជា​ក្រុមហ៊ុន​មេ​របស់​ផ្សារ​ម៉ាក្រូ បាន​បង្កើន​មហិច្ឆតា​ពង្រីក​សាខា​អាជីវកម្ម​របស់​ខ្លួន​ឲ្យ​បាន​ដ...

សម្ដេច ហ៊ុន សែន អំពាវនាវដល់អ្នកវិនិយោគ និងធុរជន ទាំងអស់ឲ្យ «បន្តជឿជាក់» ក្នុងការរកស៊ីនៅកម្ពុជា

ព័ត៌មាន
ស្របពេលដែល ប្រព័ន្ធអនុគ្រោះពន្ធ EBA កំពុងស្ថិតនៅភាពមិនច្បាស់លាស់ ដោយសារតែ សហភាពអឺរ៉ុប ទើបប្រកាសពីការបើកនីតិវិធី ក្នុងការឆ្ពោះទៅរកការ...
ច្រើនទៀត

អត្ថបទស្រដៀង


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ