តាមការស្ទង់មតិ បានឲ្យដឹងថា មាន៣៦,៤% នៃអាជីវកម្មជប៉ុនដែលរកស៊ីនៅក្រៅប្រទេស បានជ្រើសយកប្រទេសវៀតណាមជាទិសដៅពេញនិយមបំផុត សម្រាប់ការវិនិយោគរយៈពេលមធ្យម និងវែង ដែលវាគឺមានការកើនឡើង ២,៥% ធៀបនឹងឆ្នាំមុន។
ការស្ទង់មតិនេះ គឺផ្អែកលើការពិចារណារបស់ក្រុមហ៊ុនជប៉ុនចំនួន ៥៨៨ ក្រុមហ៊ុនដែលមានប្រតិបត្តិការនៅក្រៅប្រទេស ដោយប្រើពេលវេលាចាប់ពីខែ មិថុនា ដល់ខែកញ្ញា ឆ្នាំនេះ។
ប្រទេសឥណ្ឌា ឈរតំណែងកំពូលតារាង ដែលទទួលបានការពេញនិយមវិនិយោគពីវិនិយោគជប៉ុន៤៧,៨% និងតាមពីក្រោយដោយប្រទេសចិន មាន ៤៤,៦%។ រីឯប្រទេសថៃ បានធ្លាក់មកនៅលេខ៤ ដែលមាន៣២,៩% និងតាមពីក្រោយដោយប្រទេស ឥណ្ឌូនេស៊ី និងសហរដ្ឋអាមេរិក។
អត្ថបទទាក់ទង!
ធនាគារ JBIC បានឲ្យដឹងទៀតថា ក្រុមហ៊ុនជប៉ុន មានទំនុកចិត្តខ្ពស់ក្នុងកំណើនអនាគតរបស់វៀតណាម និងកម្លាំងពលកម្មតម្លៃទាប និងគុណភាពខ្ពស់របស់ប្រទេសនេះ។
រដ្ឋាភិបាលវៀតណាម បានគេព្យាករថា កំណើនសេដ្ឋកិច្ចរបស់ប្រទេសខ្លួន នឹងមាន ៦,៨% នៅឆ្នាំនេះ និងបន្ដស្ថិរភាពកំណើននៅឆ្នាំក្រោយទៀត ដោយសារការកើនឡើងនៃការនាំចេញ និងការគ្រប់គ្រងអតិផរណា។នៅរយៈពេល៩ខែឆ្នាំនេះ កំណើនសេដ្ឋកិច្ចវៀតណាមត្រូវបានពង្រីកដល់ទៅ ៦,៩៨% ដែលជាកំណើនខ្ពស់បំផុតក្នុងរយៈពេល៩ឆ្នាំមកនេះ។
យ៉ាងណាក៏ដោយចុះ ក្រុមហ៊ុនជប៉ុន ក៏នៅតែមានក្ដីបារម្ភផងដែរ ចំពោះការប្រកួតប្រជែងខ្លាំងក្លា និងការលំបាកក្នុងការស្វែងរកថ្នាក់ដឹកនាំក្រុមហ៊ុន។
របាយការណ៍ពីក្រសួងផែនការ និងការវិនិយោគវៀតណា បានបង្ហាញថា ប្រទេសជប៉ុន គឺជាវិនិយោគបរទេសធំបំផុត នៅវៀតណាមកាលពីឆ្នាំមុន ដែលមានទុនវិនិយោគចុះបញ្ជី ៨,៥៩ ពាន់លានដុល្លារអាមេរិក ឬស្មើនឹងជិត ១ភាគ៤ នៃការវិនិយោគពិបរទេសសរុប៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
