តើអ្នកដំណើរជនបរទេសចូលមកកម្ពុជាត្រូវគោរពតាមលក្ខខណ្ឌតម្រូវអ្វីខ្លះ?

នៅក្នុងសេចក្ដីប្រកាសបានបញ្ជាក់ថា សម្រាប់ជនបរទេសដែលបានធ្វើដំណើរចូលមកកម្ពុជាទាំង ភ្ញៀវទេសចរ វិនិយោគិន បុគ្គលិកជំនាញបច្ចេកទេស និងក្រុមគ្រួសារដែលមិនបានអញ្ជើញទាំងអស់តម្រូវឲ្យមាន លិខិតបញ្ជាក់ថា គ្មានកូវីដ-១៩មុនមកកម្ពុជា។ ត្រូវមានកាតចាក់វ៉ាក់សាំង ដូសមួលដ្ឋានរួចរាល់ដោយបានបញ្ជាក់ប្រភេទនិងកាលបរិច្ឆេទត្រឹមត្រូវ។ មានទិដ្ឋាការដែលមានសុពលភាពនិងស្របទៅតាមនីតិវិធីពីស្ថានទូតកម្ពុជា។ ករណីដែលមានលិខិតឆ្លងដែន នៃប្រទេសអាចមកកម្ពុជាបានដោយមិនបាច់សុំទិដ្ឋាការនោះទេ។

ចំពោះករណីអ្នកដំណើរ ជាបុគ្គលិកឬអ្នកបម្រើការងារនៅកម្ពុជាវិញ តម្រូវបង្ហាញបណ្ណការងារ ដែលនៅមានសុពលភាពបើអស់ត្រូវធ្វើការស្នើសុំ។ ត្រូវមានឯកសារកក់សណ្ឋាគារសម្រាប់ធ្វើចត្តាឡីស័ក បើគ្មានត្រូវតម្កាល់ប្រាក់១ពាន់ដុល្លាដើម្បីធានាការចំណាយនៅអំឡុងពេលធ្វើចត្តាឡីស័ក។ មានបណ្ណសន្យាធានារ៉ាប់រងសុខភាពសម្រាប់ព្យាបាលជំងឺកូវីដ-១៩ជាមួយក្រុមហ៊ុននៅកម្ពុជា។ 

ចំពោះការអនុវត្តវិធានការសុខាភិបាលវិញ ត្រូវមានការធ្វើតេស្តរកមេរោគកូវីដ១៩ចំនួន២លើក។ លើកទី១ តេស្តដោយRapid test វិជ្ជមានត្រូវដាក់ដោយឡែក និងរង់ចាំលទ្ធផល PCR ម្ដងទៀតដូចគ្នា អ្នកដំណើរត្រូវទៅសម្រាកព្យាបាល នៅកន្លែងដែលក្រសួងបានអនុញ្ញាតរហូតមានលទ្ធផលតេស្ដអវិជ្ជមាន និងបន្តចត្តាឡីស័ក៧ថ្ងៃបន្ថែម។ លើកទី២ តេស្តដោយRapid test អវិជ្ជមានត្រូវរងចាំលទ្ធផលPCR ឃើញវិជ្ជមាន ត្រូវព្យាបាលរហូតដល់ជាសះស្បើយ ប៉ុន្តែបើអវិជ្ជមានត្រូវបញ្ជប់ការធ្វើចត្តាឡីស័ក។

សួមជម្រាបថា ដោយគិតត្រឹមថ្ងៃទី ២០ ខែតុលា ឆ្នាំ២០២១ កម្ពុជាមានអ្នកជំងឺកូវីដ១៩សរុបមានចំនួន ជាង ១១ម៉ឺន៧ពាន់នាក់ អ្នកជាសះស្បើយមានជាង ១១ម៉ឺន១ពាន់នាក់និងមានករណីស្លាប់ចំនួន២ពាន់ ៦រយនាក់ ខណៈករណីនាំចូលពីបរទេសសរុបតួលេខមានចំនួនជាង ១ម៉ឺន ៩ពាន់ នាក់ផងដែរ៕

អត្ថបទ៖ ហួន ស្រីនីត