អត្ថបទទាក់ទង
ថ្មីៗនេះ ធនាគារឯកទេសវីង (ខេមបូឌា) លីមីតធីត និង ធនាគារ ជេ ត្រាស់ រ៉ូយ៉ាល់ បានចាប់ដៃគូសហការដើម្បីផ្ដល់ជូននូវផលិតផលថ្មីដំបូងបំផុតមួយ ដែលអនុញ្ញាតឲ្យអតិថិជនបើកគណនីសន្សំដែលមានការប្រាក់ខ្ពស់ តាមរយៈកម្មវិធីស្មាតហ្វូនវីង ដោយចំណាយពេលត្រឹមតែប៉ុន្មាននាទីប៉ុណ្ណោះ និងរីករាយជាមួយអត្រាការប្រាក់ខ្ពស់ ព្រមទាំងអាចធ្វើប្រតិបត្តការតាមរយៈកម្មវិធីស្មាតហ្វូនវីងដ៏ងាយៗ។
លោក ម៉ានូ រ៉ាចាន់ អគ្គនាយកនៃធនាគារឯកទេស វីង បានមានប្រសាសន៍ថា៖ «ការសន្សំប្រាក់មានសារៈសំខាន់បំផុតនៅគ្រប់ស្ថានការទាំងអស់នៃជីវិតរបស់យើង ព្រោះវាអាចជួយយើងបានក្នុងគ្រាមានតម្រូវការហិរញ្ញវត្ថុជាបន្ទាន់ ហើយពេលខ្លះវាធ្វើឲ្យយើងឈានទៅដល់សេរីភាពផ្នែកហិរញ្ញវត្ថុទៀតផង។ ផលិតផលរបស់ធនាគារ ជេ ត្រាស់ រ៉ូយ៉ាល់ មួយនេះ ត្រូវបានបង្កើតឡើងដោយផ្តោតជាពិសេសលើអតិធិជនរបស់វីងដែលមិនមានគណនីធនាគារក្នុងប្រទេសកម្ពុជា។ ពួកគេអាចចាប់ផ្តើមមានគណនីសន្សំធនាគារជាមួយទឹកប្រាក់ត្រឹមតែ៥ដុល្លារប៉ុណ្ណោះ ដែលអាចទទួលបានអត្រាការប្រាក់ខ្ពស់។ យើងមានទំនុកចិត្តយ៉ាងមុតមាំថា ផលិតផលមួយនេះនឹងអនុញ្ញាតឲ្យអតិធិជនរបស់វីងអាចទទួលបានផលប្រយោជន៍ដ៏ច្រើនពីគណនីរបស់ពួកគេប្រកបដោយប្រសិទ្ធភាព សុវត្ថិភាព និងភាពងាយស្រួល»។
ធនាគារឯកទេសវីង និង ធនាគារ ជេ ត្រាស់ រ៉ូយ៉ាល់ ដាក់ដំណើរការ“គណនីសន្សំខ្នាតតូច” ដើម្បីជួយឲ្យប្រជាជនកម្ពុជាគ្រប់រូបអាចបើកគណនីធនាគារបាន។
ការផ្ដល់ជូនថ្មីដំបូងបង្អស់ ពីធនាគារឯកទេសវីង និងធនាគារ ជេ ត្រាស់ រ៉ូយ៉ាល់ គឺមិនធ្លាប់មានពីមុនមក នៅទីផ្សារទូទាត់ប្រាក់តាមរយៈស្មាតហ្វូន ហើយជួយប្រជាជនកម្ពុជាដែលមានអត្តសញ្ញាណប័ណ្ណឲ្យបើកគណនីធនាគាផ្លូវការមួយដោយគ្រាន់តែចុចពីរទៅបីដងលើប៊ូតុងក្នុងកម្មវីធីស្មាតហ្វូនវីង។ អតិថិជន នឹងទទួលបានការប្រាក់ពីទឹកប្រាក់ដែលពួកគាត់បានរក្សាទុកនៅក្នុងគណនីសន្សំខ្នាតតូចរបស់ធនាគារ ជេ ត្រាស់ រ៉ូយ៉ាល់ ដែលអាចធ្វើប្រតិបត្តការបានគ្រប់ពេលវេលា គ្រប់ទីកន្លែងតាមរយៈកម្មវិធីស្មាតហ្វូនវីង។ កាន់តែពិសេសជាងនេះទៀតនោះ អតិថិជិនដែលដាក់ប្រាក់បញ្ញើទៅក្នុងគណនីសន្សំខ្នាតតូច នឹងទទួលបានអត្រាការប្រាក់ពិសេស ១,៣៥ ភាគរយ ក្នុងមួយឆ្នាំ។
ចំណែកឯការប្រើប្រាស់ផលិតផលថ្មីនេះ រឹតតែមានភាពងាយស្រួលជាទីបំផុត។ អតិថិជនរបស់វីង គ្រាន់តែចុចបើកកម្មវិធីស្មាតហ្វូនវីង នៅទូរស័ព្ទដៃរបស់ពួកគាត់ រួចចូលទៅកាន់ប៊ូតុង ផលិតផលសន្សំ និងជ្រើសរើសចំនួនទឹកប្រាក់បញ្ញើដែលចង់បានជាការស្រេច។ សមតុល្យអប្បបរមាគឺត្រឹមតែ ៥ ដុល្លារតែប៉ុណ្ណោះ។ ភ្លាមៗនោះគណនីសន្សំរបស់ពួកគាត់នឹងចាប់ផ្ដើមទទួលបានការប្រាក់ផងដែរ។ ពួកគាត់ក៏អាចដកប្រាក់សន្សំនេះចេញគ្រប់ពេល ដោយគ្រាន់តែផ្ទេរវាទៅគណនីវីងរបស់ពួកគាត់វិញ ហើយដកប្រាក់ពីភ្នាក់ងារភ្នាក់ងារវីងជាង ៧៥០០ កន្លែងនៅទូទាំប្រទេស។ ការផ្ទេរប្រាក់ទៅមករវាងគណនីវីងនិងគណនីធនាគារ ជេ ត្រាស់ រ៉ូយ៉ាល់ អាចធ្វើឡើងបានយ៉ាងងាយស្រួល មានសុវត្ថិភាព និងឆាប់រហ័ស។
លោក Toru Myochin នាយកប្រតិបត្តិនៃ ធនាគារ ជេ ត្រាស់ រ៉ូយ៉ាល់ មានប្រសាសន៍ថា៖ “ក្នុងចំណោមការប្ដេជ្ញាចិត្តរបស់ ធនាគារ ជេ ត្រាស់ រ៉ូយ៉ាល់ គឺការផ្ដល់ជូននូវសេវាកម្មហិរញ្ញវត្ថុមានប្រកបដោយគុណភាពខ្ពស់ និងត្រូវបានប្រើប្រាស់បានយ៉ាងទូលំទូលាយនៅក្នុងព្រះរាជាណាចក្រកម្ពុជា។ វាជាឯកសិទ្ធរបស់យើង ដែលបានសហការជាមួយ ធនាគារឯកទេសវីង ទៅលើការផ្ដល់ជូនប្រកបដោយភាពច្នៃប្រឌិតមួយនេះ ដែលមានជាលើកដំបូងបង្អស់នៅលើទីផ្សារ។”
ផលិតផលរបស់ធនគារឯកទេសវីង ដែលប្រកបដោយភាពច្នៃប្រឌិតមួយនេះ ត្រូវបានបង្កើតឡើងក្រោមការគាំទ្រពីសំណាក់ធនាគារ ជេ ត្រាស់ រ៉ូយ៉ាល់។ ស្ថិតក្រោមការបណ្ដាក់ទុនរួមពីសំណាក់ក្រុមហ៊ុន J Trust Group (ដែលមានទីតាំងនៅទីក្រុងតូក្យូ) និងក្រុមហ៊ុន Royal Group ធនាគារ ជេ ត្រាស់ រ៉ូយ៉ាល់ មានទស្សនៈវិស័យហិរញ្ញវត្ថុដូចគ្នាទៅនឹង ធនាគារឯកទេសវីង ព្រមទាំងចក្ខុវិស័យក្នុងការផ្ដល់ជូនទៅដល់ប្រជាជនកម្ពុជាគ្រប់រូប នូវសេវាកម្មដ៏មានភាពងាយស្រួល តាមរយៈសេវាហិរញ្ញវត្ថុតាមទូរស័ព្ទដៃ ដើម្បីកែប្រែជីវភាពប្រចាំថ្ងៃរបស់ពូកគាត់អោយកាន់តែប្រសើរ៕
