លោក Alain Brun បានលើកឡើងយ៉ាងដូច្នេះ នៅក្នុងជំនួបជាមួយនឹងឯកឧត្តម ម៉ៅ ហាវណ្ណាល់ រដ្ឋមន្ត្រីទទួលបន្ទុក រដ្ឋលេខាធិការដ្ឋានអាកាសចរស៊ីវិល នៅថ្ងៃទី ២៣ ខែមេសានេះ។
លោក Alain Brun បានបញ្ជាក់ប្រាប់ ដោយសារតែបញ្ហាកូវីដ-១៩ ក្រុមហ៊ុនអាកាសយានដ្ឋានកម្ពុជា គ្រាន់តែរក្សានូវបុគ្គលិកធ្វើការ តាមវិធីសាស្ត្របែងចែកការងារធ្វើការពេញម៉ោង និងបុគ្គលិកសម្រាកបណ្ដោះអាសន្នប៉ុណ្ណោះ ដោយបានកាត់ប្រាក់ខែចំនួន ២០% ចំពោះបុគ្គលិក ដែលមានប្រាក់ខែច្រើនជាង ៥០០ ដុល្លា ក្នុង១ ខែ ប៉ុន្ដែចំពោះបុគ្គលិក ដែលមានប្រាក់ខែចំនួន ៥០០$ ចុះក្រោម គឺរក្សានៅដដែលមិនមានកាត់នោះទេ។
លោក Alain បញ្ជាក់ទៀតថា ក្រុមហ៊ុន អាកាសយានដ្ឋានកម្ពុជា (Cambodia Airports) បន្តរក្សាបុគ្គលិក និងបន្តរការអភិវឌ្ឍ អាកាសយាដ្ឋានក្រុងព្រះសីហនុតាមផែនការដដែល។
អត្ថបទទាក់ទង!
ចំពោះផែនការអភិវឌ្ឍអាកាសយានដ្ឋានអន្តរជាតិក្រុងព្រះសីហនុនេះ នាយកក្រុមហ៊ុនអាកាសយានដ្ឋានកម្ពុជា បានគូសបញ្ជាក់បន្ថែមថា ក្រុមហ៊ុននឹងបន្តស្តា និងកែលំអរក្រុងព្រះសីហនុ គឺហេដ្ឋារចនាសម្ព័ន្ធ ដដែល តាមផែនការ ដែល កំណត់ ដោយមិនគិតពីផលប៉ះពាល់កូវីដ-១៩ នោះទេ។ ក្នុងនោះ បានសាងសង់ផ្លូវរត់ បាន៧០%ហើយ រីឯការងារសំណង់ស៊ីវិលសម្រេចបាន ៤២% ការងារផ្នែកផ្សេងៗទៀត សម្រេចបាន ៤៥% សរុបការងារទាំងមូលជារួម សម្រេចបាន ៥៧%៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
