CNBC បានបន្តចុះផ្សាយថា មកដល់ពេលនេះ ទោះបីជាមិនទាន់មានការចុះហត្ថលេខាលើកិច្ចព្រមព្រៀងណាមួយជាផ្លូវការក៏ដោយ តែ Apple មានគម្រោងនឹងផ្តើមដំណើរការផលិតរថយន្តរបស់ខ្លួននៅរោងចក្ររបស់ Hyundai ក្នុងរដ្ឋ Georgia សហរដ្ឋអាមេរិកចាប់ពីឆ្នាំ ២០២៤តទៅ។
លើសពីនេះ ក្រៅពីសហការជាមួយ Hyundai ក្រុមហ៊ុនAppleក៏គ្រោងនឹងសហការជាមួយក្រុមហ៊ុនដទៃទៀតដែរ ដើម្បីឈានជើងចូលទីផ្សារផលិតរថយន្ត ឲ្យកាន់តែខ្លាំងក្លាថែមទៀត ជាពិសេសដើម្បីប្រកួតប្រជែងជាមួយរថយន្តអគ្គិសនី Tesla របស់មហាសេដ្ឋី Elon Musk។
អត្ថបទទាក់ទង
ជាមួយគ្នានេះដែរ ក្រោយទទួលបានដំណឹងនេះ លោក Elon Musk បានប្រាប់អ្នកសារព័ត៌មានថា កន្លងមកលោកក៏ធ្លាប់បានទាក់ទងទៅលោក Tim Cook ដែលជា CEO របស់ Apple ដើម្បីពិភាក្សាលើកិច្ចសហការបង្កើតរថយន្ត Tesla ប្រើប្រាស់ Software របស់ Apple ដែរប៉ុន្តែសំណើរនេះ ត្រូវបានលោក Tim Cook បដិសេដ។
សូមបញ្ជាក់ថា គ្រាន់តែដំណឹងនេះត្រូវបានផ្សាយចេញទៅភ្លាម ភាគហ៊ុនរបស់ Apple បានហក់ឡើង២%ភ្លាមៗលើផ្សារហ៊ុនអាមេរិក៕
None
