ក្នុងនាមជាម្ចាស់គម្រោងអភិវឌ្ឍន៍លំនៅដ្ឋានដ៏ល្បីមួយរូប នៅក្នុងស្រុក លោក លាង ហេនរី អគ្គនាយកក្រុមហ៊ុនជីប ម៉ុងលែន បានឲ្យដឹងថា ការប្រកាសភាពជាដៃគូនាពេលនេះគឺចង់បញ្ជាក់ថា ក្រៅពីការផ្តល់នូវលំនៅដ្ឋានបែបស៊ីវិល័យ និងមានគុណភាព ក្រុមហ៊ុន ជីប ម៉ុង លែនក៏នឹងផ្តល់នូវភាពងាយស្រួលផ្នែកហិរញ្ញវត្ថុ ដល់អតិថិជនរបស់ខ្លួនដែរ ដោយតាមរយៈការសហការនេះ នឹងផ្តល់ជូននូវអត្រាការប្រាក់ពិសេសជាងធនាគារផ្សេងទៀត គឺត្រឹមតែ ៣.៩៩% ក្នុងមួយឆ្នាំ សម្រាប់ឆ្នាំទី១ សម្រាប់អតិថិជនដែលមានប្លង់បំបែក្បាលដីរួចរាល់។
អត្ថបទទាក់ទង!
ដោយឡែក លោក វ៉ាន់កាប់ យូ អគ្គនាយកធនាគារជីបម៉ុង ខមមើសលប៊ែង បានបញ្ជាក់ដែរ ដោយសារតែភាពរីកចម្រើននៃសេដ្ឋកិច្ចកម្ពុជាមានកំណើនជារៀងរាល់ឆ្នាំ ហើយទំនោរនៃការបង់រំលស់លំនៅដ្ឋានរបស់ពលរដ្ឋក៏មានច្រើន ទើបលោកសម្រចសហការគ្នាជាមួយអ្នកជំនាញអភិវឌ្ឍន៍លំនៅដ្ឋាន ដូចជាជីបម៉ុងលែន ដើម្បីផ្តល់ប្រសិទ្ធ គុណភាព និងសេវាកម្មលើការបង់រំលស់នេះ ដល់អតិថិជនរបស់ជីបម៉ុង លែន ។
ថ្មីនេះគេសង្កេតឃើញថា ក្រុមហ៊ុនជីបម៉ុងលែន បានសហការជាមួយបងប្អូនត្រកូលជីបម៉ុងជាបន្តដើម្បីសាងភាពរឹងមាំលើគ្រប់វិស័យ ដូចជា សហការជាមួយជីប ម៉ុង រីថេល បង្កើតផ្សារទំនើប ហើយបន្ទាប់នេះ គឺចាប់ដៃគូជាមួយជីបម៉ុងប៊ែងបន្តទៀត ដើម្បីផ្តល់ភាពងាយស្រួលដល់អតិថិជនលើផ្នែកហិរញ្ញវត្ថុបន្ថែមទៀត។
បច្ចុប្បន្ននេះ ក្រុមហ៊ុន ជីប ម៉ុង លែន មានគម្រោងលំនៅដ្ឋាន ៣ប្រភេទធំៗរួមមាន The Landmark, The Park Land និង The Land Riche ដោយក្នុង ៣ប្រភេទធំនេះ មានគម្រោងចំនួន ៨ផ្សេងទៀត ហើយបើតាមលោក លាង ហេនរី ក្រុមហ៊ុន ជីប ម៉ុង លែន គ្រោងនឹងពង្រីកបន្ថែម ៥គម្រោងទៀតផងដែរ។ ដោយឡែក ជីប ម៉ុង ខមមើសលប៊ែង កំពុងតែបើកដំណើរការចំនួន ២សាខា ហើយក៏មានគម្រោងពង្រីកសាខាច្រើនថែមទៀត។
គួរជម្រាបដែរថា ធនាគារ ជីប ម៉ុង ក៏គ្រោងនឹងបើកសាខាបន្ថែមចំនួន ៥ទៀត ក្នុងពេលដ៏ខ្លីខាងមុខ ជាមួយផលិតផល និងសេវាកម្មថ្មីៗ ប្រកបដោយទំនុកចិត្តក្នុងទីផ្សារប្រទេសកម្ពុជា ស្របពេលដែលរបាយការណ៍ធនាគាជាតិនៃកម្ពុជា ប្រចាំឆ្នាំ ២០១៨ បានបង្ហាញថា ទំហំនៃប្រតិបត្តិការនៃសេវាធនាគារអេឡិចត្រូនិច ដែលបានប្រើប្រាស់បច្ចេកវិទ្យាហិរញ្ញវត្ថុ មានរហូតដល់ជាង ៩.៦០០ លានដុល្លារអាមេរិក៕
None
