បើតាម ការបញ្ជាក់ របស់គណៈកម្មការមូលបត្រកម្ពុជា ករណីដូចរៀបរាប់ខាងលើនេះ ពុំដែលមានការអនុញ្ញាតស្របច្បាប់ និងពុំមានគម្រោងវិនិយោគត្រឹមត្រូវច្បាស់លាស់នោះទេ ហើយវាតែងតែឈានដល់ការឆបោក ដែលនាំឲ្យប្រជាពលរដ្ឋ ទទួលរកការខាតបង់ផលប្រយោជន៍ និងទ្រព្យសម្បត្តិផ្ទាល់ខ្លួន។
គណៈកម្មការមូលបត្រកម្ពុជា បានគូសបញ្ជាក់ថា ប្រសិនបើប្រជាពលរដ្ឋរងគ្រោះ ឬបានជាជ្រុលខ្លួនចាញ់បោកគេហើយនោះ សូមដាក់ពាក្យប្ដឹងទៅតុលាការ ឬអាជ្ញាធរមានសមត្ថកិច្ច តាមមូលដ្ឋានដែនដីជាក់ស្ដែង ស្របទៅតាមនីតិវិធីច្បាប់។
អត្ថបទទាក់ទង!
ក្នុងទិសដៅការពារផលប្រយោជន៍និងទ្រព្យសម្បត្តិផ្ទាល់ខ្លួន របស់ប្រជាពលរដ្ឋ គណៈកម្មការមូលបត្រកម្ពុជា ក៏បានក្រើនរំឭកដល់សាធារណៈជនម្ដងហើយ ម្ដងទៀត សូមមានការប្រុងប្រយ័ត្នខ្ពស់ និងពិចារណាឲ្យបានល្អិតល្អន់ មុននឹងដាក់ប្រាក់វិនិយោគក្នុងគម្រោងវិនិយោគរួម ឬសញ្ញាបណ្ណ ឬការជួញដូរឧបករណ៍និស្សន្ទ ដូចជាំ ជួញដូរលើហាងឆេងមាស ហាងឆេងរូបិយបណ្ណ កិច្ចសន្យាគម្លាតថ្លៃ ឬការជួញដូរទ្រព្យឌីជីថល ដូចជា Coin ជាដើម។ អ្វីដែលសំខាន់នោះ គឺមិនត្រូវវិនិយោគ ជាមួយនឹងក្រុមហ៊ុនដែលពុំទទួលបានអជ្ញាបណ្ណ ពីគណៈកម្មការមូលបត្រកម្ពុជាស្របតាមច្បាប់។
None
