Advertisement
ប្រាក់ចំណេញ អេស៊ីលីដា

អេស៊ីលីដា រំពឹងប្រាក់ចំណេញ ១០០ លានដុល្លារ នៅឆ្នាំនេះ ខណៈឆ្នាំមុនចំណេញបាន ៨៤ លានដុល្លារ


អេស៊ីលីដា ដែលជាធនាគារធំជាងគេមួយនៅកម្ពុជានោះ រំពឹងថា ប្រាក់ចំណេញរបស់ខ្លួន នឹងកើនឡើងដល់១០០ លានដុល្លារអាមេរិក នៅឆ្នាំ២០១៩នេះ ពោលគឺ កើនឡើងខ្ពស់ជាងឆ្នាំ២០១៨ ដែលមានប្រមាណ ៨៤ លានដុល្លារអាមេរិក។ ការរំពឹងទុកប្រាក់ចំណេញ កើនឡើងខ្ពស់ជាងមុន ដោយសារតែ នៅដើមឆ្នាំ២០១៩នេះ ធនាគារអេស៊ីលីដា កត់សម្គាល់ឃើញពីកំណើនល្អខ្លាំង ជាងឆ្នាំ២០១៨កន្លងទៅ។ នេះបើតាមការបញ្ជាក់ពីប្រធាននាយកប្រតិបត្តិធនាគារអេស៊ីលីដា។
លោកបណ្ឌិត អ៊ិន ចាន់នី ប្រធាននាយកប្រតិបត្តិធនាគារអេស៊ីលីដា ថ្លែង ក្នុងពិធី ជួបជុំបុគ្គលិកធនាគារអេស៊ីលីដា ក្នុងឱកាស អបអរសាទរបុណ្យចូលឆ្នាំប្រពៃណីខ្មែរ កាលពីពេលថ្មីៗនេះ
ដោយ
Advertisement

ថ្លែង ក្នុង​ពិធី ជួបជុំ​បុគ្គលិកធនា​គារ​អេស៊ីលីដា ក្នុងឱកាស អបអរ​សាទរ​បុណ្យ​ចូលឆ្នាំ​ប្រពៃណីខ្មែរ កាលពីពេល​ថ្មីៗនេះ លោកបណ្ឌិត អ៊ិន ចាន់នី ប្រធាន​នាយក​ប្រតិបត្តិ​ធនាគារ​អេស៊ីលីដា បាន​លើកឡើងថា នៅឆ្នាំ ២០១៨ កំណើន​សេដ្ឋកិច្ច​កម្ពុជា​បាន​កើនខ្ពស់​ខ្លាំង ៧,៥ % ហើយឆ្នាំនេះ រំពឹងថា នឹងនៅតែ​មានកំណើន​ជាង​៧% ដដែល។ 

ក្នុងនោះ វិស័យធនាគារ ក៏មាន​សន្ទុះ​លូតលាស់​ខ្លាំងដែរ ជាក់ស្ដែង នៅ៣ ខែ​ដើមឆ្នាំនេះ ធនាគារ​អេស៊ីលីដា មានកំណើន​ប្រាក់ចំណូល និងទ្រព្យសកម្ម​ខ្ពស់​ជាង​បីខែ​ដើមឆ្នាំ២០១៨ ខ្លាំងគួរឲ្យចាប់អារម្មណ៍។ តាម​ការ​ឆ្លុះបញ្ចាំង​ពីកំណើន​នៅដើមឆ្នាំនេះ ធនាគារ​អេស៊ីលីដា រំពឹងថា ប្រាក់ចំណេញ​របស់ខ្លួន ពេញ១ឆ្នាំ​២០១៩នេះ នឹងកើនឡើងដល់ ១០០ លាន​ដុល្លារអាមេរិក ខណៈឆ្នាំ២០១៨ មាន​ត្រឹម៨៤​លានដុល្លារអាមេរិក។ 

តាមការ​បញ្ជាក់ ពី​លោក បណ្ឌិត អ៊ិន ចាន់នី ចំណូល​ធំៗ ដែលអេស៊ីលីដា​ទទួលបាន​សម្រាប់​គាំទ្រ​ដល់កំណើន​នៅ​រយៈពេល​១ត្រីមាស​ឆ្នាំ២០១៩ គឺបានមកពីសេវា​ទូទៅ ពិសេស គឺ​សេវា​អេស៊ីលីដា យូនីធីទាន់ចិត្ត ដែលបច្ចុប្បន្ន​មាន​អ្នកប្រើប្រាស់​ប្រមាណ ១លាននាក់ និងចំណូល​ស្នូល​ដ៏សំខាន់មួយ​ទៀតនោះ គឺបានមក​ពីសេវា​ឥណទាន។

គួរបញ្ជាក់ថា តាមរបាយការណ៍ពី ធនាគារជាតិនៃកម្ពុជា បាន​បង្ហាញថា នៅឆ្នាំ២០១៨ ទ្រព្យសកម្ម​របស់​គ្រឹះស្ថាន​ធនាគារ និងហិរញ្ញវត្ថុ បានកើនឡើង​ជាង ១៩% ស្មើនឹងទឹកប្រាក់​សរុប​៤០ ពាន់លានដុល្លារអាមេរិក ដែលគាំទ្រ​ដោយកំណើន​មូលនិធិ​កម្ចី ដើមទុនរបស់គ្រឹះស្ថាន និងប្រាក់​បញ្ញើ​អតិថិជន។ 

ក្នុងនោះ ប្រាក់​បញ្ញើ​អតិថិជន​បានកើនឡើង​ជាង ១៥% ដែលកើនឡើង​ទឹកប្រាក់សរុប​ដល់ប្រមាណ ជាង​២២ពាន់ លានដុល្លារអាមេរិក និងឥណទាន​បានកើនឡើង​ជិត​១៩% ដែលមានទឹកប្រាក់​សរុបដល់​២៤,៥ ពាន់លាន​ដុល្លារ។ រីឯអ្នកផ្ញើប្រាក់​នៅគ្រឹះស្ថាន​ធនាគារ និងហិរញ្ញវត្ថុវិញ មាន រហូតដល់ ៦លាន​២សែនគណនី​ខណៈដែលអ្នក​ខ្ចីប្រាក់ មាន​២លាន ៦សែន គណនី៕

Advertisement
© 2019 រក្សាសិទ្ធិ​គ្រប់​បែប​យ៉ាង​ដោយ ខេមបូណូមីស។ សម្រាប់​ការ​ប្រើ​ប្រាស់ ឬ​ផ្សាយ​បន្ត សូមទាក់ទង​មក អ៊ីម៉េល sothea[at]cambonomist.com ឬទូរស័ព្ទលេខ​ 089 777 076។



អត្ថបទបន្ទាប់


ហាងកាហ្វេម៉ាកអង់គ្លេស Costa បិទទ្វារពីទីផ្សារកម្ពុជាស្ងាត់ៗ !

ព័ត៌មាន
ហាងកាហ្វេ Costa ដែលជាម៉ាកល្បីមួយក្នុងចំណោមម៉ាកហាងកាហ្វេ អន្តរជាតិល្បីៗជាច្រើនរបស់ពិភពលោកនោះ បានសម្រេចដកខ្លួនចេញពីទីផ្សារកម្ពុជាយ៉ាងស្ង...

ចិន វិនិយោគរោងចក្រកែច្នៃសំរាម ទៅជាថាមពលអគ្គិសនី នៅវៀតណាម

ព័ត៌មាន
ក្រុមហ៊ុនចិន ធំមួយ ដែលដំណើរការរោងចក្រកែច្នៃសំរាម ទៅជាថាមពលអគ្គិសនី នៅវៀតណាម កាលពីឆ្នាំមុននោះ បច្ចុប្បន្នរោងចក្រនេះ មាន សមត្ថភាព បញ្ចេ...
ច្រើនទៀត

អត្ថបទស្រដៀង


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ