ឥណទាន​ធានា​ដោយ​ប្រាក់​បញ្ញើ; ស្នើ​សុំ​ភ្លាម ទទួល​បាន​ប្រាក់​កម្ចី​ភ្លាម អាច​ខ្ចី​បាន​​រហូត​ដល់ ២០​ម៉ឺន​ដុល្លារ

រឹតតែងាយស្រួលក្នុងការខ្ចីប្រាក់ពីធនាគារ អេស៊ីលីដា សម្រាប់អតិថិជនមានគណនីដាក់ប្រាក់បញ្ញើមានកាលកំណត់នៅក្នុងធនាគារ អេស៊ីលីដា ហើយមានតម្រូវការសាច់ប្រាក់ប្រើប្រាស់យកទៅប្រើប្រាស់ភ្លាមៗនោះ អតិថិជនអាចស្នើសុំខ្ចីឥណទានតាម  រយៈអេស៊ីលីដាម៉ូបាលបានយ៉ាងងាយស្រួល ដោយមិនចាំបាច់មកកាន់ធនាគារ អេស៊ីលីដា មិនចាំបាច់បំពេញស្នើសុំ  ឬមានភ្នាក់ចុះទៅវាយតម្លៃដល់លំនៅឋាន ឬទីកន្លែងប្រកបមុខរបរអតិថិជននោះឡើយ ។ 

ទំហំកម្រិត​ឥណទាន​​អតិថិជនអាច​ស្នើសុំខ្ចី​តាមរយៈ​អេស៊ីលីដា​ម៉ូបាល​​បាន​ គឺមាន​រហូតដល់ ៨០០លានរៀល ឬ ២០ម៉ឺនដុល្លារ  ជាមួយ​នឹង​​អត្រាការប្រាក់​សមរម្យ​ងាយៗ លឿនរហ័ស ដាក់ស្នើសុំ​​ភ្លាម​​ទទួល​​បាន​​ការពិនិត្យ និងអនុម័ត​​ជូនភ្លាមៗ មិនរង់ចាំយូរ  ។

ដើម្បី​អាច​ស្នើសុំ​ឥណទាន​ធានា​ដោយ​ប្រាក់​បញ្ញើនេះ លោក​អ្នកត្រូវ ៖

>> ចុះឈ្មោះប្រើសេវាអេស៊ីលីដាម៉ូបាល
>> មានប្រាក់បញ្ញើមានកាលកំណត់នៅធនាគារ អេស៊ីលីដា និងបានភ្ជាប់ (Linked) ជាមួយសេវាអេស៊ីលីដាម៉ូបាល។

របៀបស្នើសុំឥណទាន

1. ចូលកម្មវិធីអេស៊ីលីដាម៉ូបាល
2. ចុចលើប៊ូតុង "ស្នើសុំ / Request"
3. សូម​ស្កេន​ផ្ទៃមុខ ឬស្នាមម្រាមដៃ ឬបញ្ចូលលេខ​សម្ងាត់
4. ជ្រើសរើស "ឥណទានធានាដោយប្រាក់បញ្ញើ / Loan Against Term Deposit"
5. ជ្រើសរើសលេខសម្គាល់នៃប្រាក់បញ្ញើមានកាលកំណត់
6. សូមអាន និងយល់ព្រម​តាមលក្ខខណ្ឌ
7. បន្ទាប់មកចុចប៊ូតុង "យល់ព្រម / OK"
8. សូមពិនិត្យមើលព័ត៌មាននៃការស្នើសុំឥណទាន របស់លោកអ្នកឡើងវិញ បន្ទាប់មកទៀតចុចប៊ុតុង "យល់ព្រម / Confirm"
9. ការស្នើសុំឥណទានរបស់លោកអ្នកបានសម្រេច ។

របៀបបញ្ចប់ឥណទាន

1. ចូលកម្មវិធីអេស៊ីលីដាម៉ូបាល
2. ចុចលើប៊ូតុង "ស្នើសុំ / Request"
3. សូមស្កេនផ្ទៃមុខ ឬស្នាមម្រាមដៃ ឬបញ្ចូលលេខសម្ងាត់
4. ជ្រើសរើសរបាយការណ៍ឥណទានសង្ខេប
5. ចុចលើសញ្ញា "..." នៅលើឥណទានដែលលោកអ្នកចង់បញ្ចប់
6. រួចរើសយកពាក្យថា "ការបញ្ចប់ឥណទាន / Terminate" ៕

អានលម្អិត​នៅលើគេហ​ទំព័រ​ផ្លូវការ របស់ ធនាគារ អេស៊ីលីដា >>>