អត្ថបទទាក់ទង
អេស៊ីលីដាម៉ូបាល ជាកម្មវិធីធនាគារឌីជីថលរបស់ធនាគារ អេស៊ីលីដា ដែលបានធ្វើទំនើបកម្មដើម្បីកាន់តែងាយស្រួលប្រើប្រាស់ថែមទៀត និងមានមុខងារសម្បូរបែបដើម្បីបំពេញតម្រូវការផ្សេងៗ ដូចជា ការផ្ទេរប្រាក់ ទទួលប្រាក់ បង់ថ្លៃទឹកភ្លើង បញ្ចូលទឹកប្រាក់ក្នុងទូរសព្ទដៃ ការស្នើសុំខ្ចីឥណទាន ជាដើម ។ល។ ដោយមិនចាំបាច់ធ្វើដំណើរចាកចេញពីលំនៅដ្ឋានឡើយ ។ មួយវិញទៀត ប្រើ អេស៊ីលីដាម៉ូបាល សម្រាប់ការទូទាត់ ជួយលោកអ្នកជៀសវាងបានពីការប៉ះពាល់ក្រដាសប្រាក់ដោយផ្ទាល់ ដែលមានហានិភ័យនៃការឆ្លងជំងឺតម្កាត់ផ្សេងៗ ។
លោកស្រី សុខ សោភា នាយិកាប្រតិបត្តិទីផ្សារជាន់ខ្ពស់ នៃធនាគារ អេស៊ីលីដា បានមានប្រសាសន៍ថា ៖ «ដូច្នេះ ដើម្បីការពារក្រុមគ្រួសារយើង សង្គមយើង ពីផលប៉ះពាល់ ឬពីការឆ្លងកូវីដ១៩ មានតែយើងទាំងអស់គ្នាចូលរួម អនុវត្តវិធានការ ៣ការពារ ៣កុំ និងងាកមកប្រើការទូទាត់តាមប្រព័ន្ធឌីជីថល អេស៊ីលីដាម៉ូបាល ទើបជួយការពារបាន ។»
អតិថិជនរបស់ធនាគារ អេស៊ីលីដា អាចបើកគណនី ទាំងប្រាក់រៀល ទាំងប្រាក់ដុល្លារ ដោយគ្រាន់តែដោនឡូតអេស៊ីលីដាម៉ូបាល នៅលើទូរសព្ទដៃរបស់លោកអ្នក គឺជាការស្រេច ។ លោកអ្នកអាចស្វែងរកនិងទាញយក (Download) អេស៊ីលីដាម៉ូបាល តាមរយៈ App Store, Play Store និង App Gallery ៕
