លោកបណ្ឌិត អុិន ចាន់នី ប្រធាននាយកប្រតិបត្តិធនាគារអេស៊ីលីដា បានគូសបញ្ជាក់ថា នៅឆ្នាំ២០២០ អេស៊ីលីដា នៅតែបន្ដផ្ដល់ឥណទានដែលមានតម្លៃសមរម្យ ដល់វិស័យសហគ្រាសខ្នាតតូច និងមធ្យម។ យ៉ាងណាមិញ នៅឆ្នាំ២០២១ អេស៊ីលីដា ក៏កំពុងត្រៀមមូលនិធិកម្ចីផ្ដល់ជូនសហគ្រាសក្នុងវិស័យនេះ ជិត៦០០លានដុល្លារបន្ថែមទៀត។
បើតាមលោកបណ្ឌិត អុន ចាន់នី ការលូតលាស់នៅក្នុងវិស័យធនាគារ នៅឆ្នាំ២០២០ គឺត្រូវបានជួយជំរុញពីក្រោយដោយរាជរដ្ឋាភិបាល ខណៈដែលកន្លងមកក្រសួងសេដ្ឋកិច្ច និងហិរញ្ញវត្ថុបានបង្កើតនូវធនាគាររដ្ឋ SME Bank ដើម្បីសហការគ្នាជាមួយធនាគារឯកជនក្នុងការផ្ដល់ប្រាក់កម្ចីទៅដល់អតិថិជនដែលមានទ្រព្យបញ្ចាំមិនគ្រប់គ្រាន់។
អត្ថបទទាក់ទង!
បើតាមប្រធាននាយកប្រតិបត្តិធនាគារអេស៊ីលីដារូបនេះ កាលពីឆ្នាំ២០២០ កន្លងទៅ ធនាគារអេស៊ីលីដា បានផ្ដល់ប្រាក់មូលនិធិតាមរយៈការសហការជាមួយនឹងធនាគារ SME Bank របស់រដ្ឋប្រមាណ ២៣លានដុល្លារ នៅក្នុងចំណោមថវិកា៥០លានដុល្លារ ដែលបានដាក់ចេញដោយធនាគាររដ្ឋមួយនេះ។
គួរបញ្ជាក់ថា នាពេលកន្លងទៅថ្មីៗនេះដែរថា ក្រសួងសេដ្ឋកិច្ច និងហិរញ្ញវត្ថុ ក៏បានរៀបចំនូវមូលនិធិប្រមាណ២០០លានដុល្លារអាមេរិកបន្ថែមទៀត សម្រាប់ការធានាឥណទាននៅក្នុងវិស័យធនាគារ និងហិញ្ញវត្ថុ ដោយមូលនិធិនេះ អាចបង្កនូវលទ្ធភាពដល់គ្រឹះស្ថានធនាគារ និងហិរញ្ញវត្ថុឯកជនអាចផ្ដល់ប្រាក់កម្ចីដល់ទៅអ្នកប្រើប្រាស់ដល់ទៅទំហំកម្ចី ២ពាន់លានដុល្លារអាមេរិកឯណោះ៕
None
